С.Зоригийг хөнөөсөн хэрэгт гадаад, дотоодоос баривчилсан хүн цөөнгүй бий. Хилс хэрэг хүлээлгэх гэж тамлаж зовоосон гэдэг. Бүр гэр бүлийн хоёр хүнийг хорьсон тохиолдол бий. Энэ тухайгаа И.Даваа МУГСЗ Г.Жамъянтай ярилцсан байдаг юм.
С.Зоригийн амь насыг хөнөөсөн хэрэгт гэр бүлийн хоёр хүнийг хорьж шалгасан. Гэр бүлээрээ хэлмэгдэлтэд өртөж, нөхөр нь 6 жил хоригдсоны эцэст амиа алдсан. Харин эхнэр И.Даваа нөхрийг нь цагдаагийнхан яаж зовоосон тухай хэвлэлд үе үе ярьдаг бай.. И.Даваа Баянхонгор аймгийн Бууцагаан сумын уугуул. Нөхөр Далхсүрэнтэйгээ 1990-ээд оны сүүлчээр танилцжээ. Нөхөр нь Архангай аймгийн Тариатын хүн. Эрх танхи дураараа өссөний гайгаар, багаасаа хүүхдийн колони, шоронгоор дамжчихсан нэгэн. Суллагдаад ажил хийж байхдаа эхнэртэйгээ танилцаж, "Муу газраар их дамжлаа. Одоо л айл гэр болж хүний дайтай амьдаръя" гэдэг байжээ. Ингээд 2003 оны нэгдүгээр сарын 23-нд цагаан сарын бэлтгэлээ хийхээр “Ачлал” дэлгүүрээр ороод гартал цагдаагийн хувцастай хэдэн нөхөд тойрч барьж аваад үг дуу ч байхгүй машинд чихэж авч явсан гэдэг. Эхнэр И.Даваа нь “Бид хоёрыг тамлах ажиллагаа эндээс л эхэлсэн дээ. Нөхрийн минь гарыг мушгиж унагаагаад нуруун дээр нь гишгэж, хонь шиг дөрвөн мөчийг нь хүлж машиныхаа хойд хонины хонхорт хаясан” гэж ярьсан байна. Тэгээд эрүүгийн цагдаагийн газар биднийг авчраад, нөхрийн минь толгойных нь цусыг садруулсаар аваад явсан. Намайг цагдаагийн ажилтнууд дундаа хийн "Чи ямар хүнтэй ханилж яваа гаа мэддэг үү? Муу өлөгчин гичий" гээд л занаж зүхэж доромжилсон доо. Унаж явсан машиныг нь журмын хашаанд аваачиж хаясан байсан. Тэр дороо нөхөр И.Далхсүрэнг нь Төв аймгийн өнөөх хатуу шоронд, эхнэрийг нь Ганц худагт аваачиж хорьжээ. Уулзуулах байтугай ямар ч мэдээ чимээ байхгүй. Тэр үед улгайн хэрэг сэрдэж байцаадаг байжээ. Ингээд сарын дараа Давааг сулласан ч, нөхрийг суллаагүй, уулзуулаагүй байна. Дахиад арваннэгдүгээр сард Давааг баривчилж Ганцхудагийн мөрдөнд хийсэн. Тэр үед "Ардчилсан хүчний удирдагч С.Зоригийг алснаа хүлээ!" гээд байцаадаг болсон байна. "Хэрхэн яаж алсан? Хэний даалгавраар гүйцэтгэсэн бэ? Хэзээнээс таньдаг болсон? Бат-Үүл, Элбэгдорж, Энхбаатар нартай ямар холбоотой байдаг вэ? Тэднээс хэдэн сая төгрөг авч аллага үйлдсэн бэ? Одоо ямар холбоотой байна? Хэргээ үнэнээр нь хүлээвэл хөнгөлөх тал бий" гээд л байцаадаг. И.Даваа “Би энэ хүмүүсийн зургийг нь л үзэж байснаас биш танихгүй. Тэр дундаа С.Зориг гэж хүний барааг ч хараагүй. Энэ хэргийг хүлээхгүй” гэдэг. Тэгэхэд “Чамтай хамт аллага үйлдсэн нөхөр чинь хэргээ хүлээчихсэн. Чи ингэж зүтгээд нэмэргүй. Гэрчийн мэдүүлэг, нотлох баримтаар тулгаад л тасалчихна. Амины чинь л хохь болно доо” гэдэг сүрдүүлдэг. Ганц худагт сар хэртэй хориод Дарханы мөрдөнд хорьж, шоронгууд дамжуулж янз бүрийн хүний гараар, янз бүрийн аргаар тамладаг гэж ярьсан юм. Дарханы мөрдөнд хэсэг байлгаснаа Ганцхудагт хорьж байцаажээ. Даваа "Би хилс хэрэг хүлээхгүй. Амиараа дэнчин тавьж байна. Хэрэв намайг С.Зоригийг алсан эмэгтэй мөн гээд хөдөлшгүй баримтаар нотолчихдог юм бол би дөрвөн хүүхэдтэйгээ наад цаазын тавцан дээр чинь гарч ирээд цаазлуулъя" гээд Ганц худагт 48 хоног өлсгөлөн зарласныг одоо санах хүн цөөн. “Тэд намайг хүний ёсноос гадуур үзэж, яаж тарчилган зовоосон гэж санана. Намайг тэгж нэг жил гурван сар хориод сулласан. Би баривчлагдаж шоронд орохдоо 85 кг жинтэй эрүүл чийрэг эмэгтэй орж байлаа. Суллагдахдаа 58 кг жинтэй, яс арьс болсон амьтан хүнээр түшүүлэн гэртээ ирж байсан сан. Гурван ой өнгөрч байсан хүүхэд минь ээжийгээ танихгүй зугтааж байлаа шүү дээ. Миний нөхөр С.Далхсүрэн, бие эрүүл чийрэг бадриун эр хүн. Гэлээ ч энэ аймшигт тамлалыг даалгүй зургаан жил шоронд хоригдоод өнгөрсөн оны наймдугаар сарын 2-нд таалал төгссөн. Эрдэнэбаяр надтай "Өлөг чин гичий минь, чиний байх газар чинь л энэ шүү дээ" гэж харьцдаг байсан шиг, өвгөнийг минь яаж зовоож тарчлаасныг би үгээр хэлж чадахгүй байна. Нөхөр маань над аймшигтай зүйл ярьж байсан. Дорноговьд нэг хэсэг аваачиж хорьсон юм шүү дээ. Тэгэхдээ хөдөө аваа чиж хэвтүүлээд, хэдэн янзын буу үзүүлж "Үүний алинаар нь буудуул маар байна?" гэж тавлан "С.Зоригийг алснаа хүлээ!" гээд толгой дээгүүр нь буудаж байсан гэсэн. Ийм дарамт бол бараг өдөр болгон шахам ирдэг байсан юм билээ. Миний нөхөр, муу хулгайн хэрэгт холбогдож явсан ч шударга, цагаахан хүн. Тийм айм шигт аллага үйлдэх хүн биш л дээ. "С.Зоригийг алаагүй. Би хүн алах хүн биш. Та нар над хилс хэрэг хүлээлгэж, аймшигт алуурчин ил рүүлсэн нэр зүүн 500 сая төгрөг авах гэж шунаж байна" гэж шууд хэлдэг байсан гэсэн. "Та нарын хилсээр тулгаж байгаа бусад хул гайн хэргийг чинь хүлээе. С.Зори гийг алаагүй гэдгээ амь насаараа дэнчин тавьж тангараглаж байна" гэж бичээд, гарынхаа хурууг үеэр нь тас хазаж таслан, прокурор Барамсайд явуулж байсан гэсэн. Нэгэнтээ дуулиан тарьж баривчлаад хоёр жил шахам хорьсон юм чинь заавал нэг ял тулгах хэрэгтэй болно оо доо. Тэгээд 2004 оны тавдугаар сарын гурванд шүүх хурал хийж 13 жил онцгой дэглэмтэй хориход ял эдлүүлэх шийдвэр гаргасан. Мөрдөнд байхаасаа гэдэс, уушгины сүрьеэ тэй, элэгний цирроз өвчтэй, бие нь тун ядарсан. Элэгний цирроз өвчнөө "Энэ бол эдний зодуураас болсон доргилтын өвчин" гэдэг байсан. Маш их зоддог, элэг рүү нь цохидог, өшиглөдөг байсан юм билээ. Түүнээс болж элэг нь их мууд сан. Шоронгийн подваль, харан хуй чийгтэй, хамгийн муу өрөө тасал гаануудад хорьдог, хоол унд муу байсан болохоор гэдэсний болон уушгины сүрьеэ өвчтэй болсон юм билээ. Эрүүл чийрэг Далхсүрэн тул даа л зургаа долоон жилийг тэвчиж давсан байх. Миний нөхрийг дунд нь түр гаргасан ч эмнэлэг дамжаад л таарсан. Хэд дахин эмнэлгийн магадлангаар гаргах байсан ч "дээд газрын шийдвэр" гэж хорьсоор тартагт нь тулгачихсан. Хөөрхий дөө, миний ханийг дэндүү тарчлааж бах таваа хангасан даа. Тэр сайхан залуу эр хүнийг чинь, нэг удаа ч гэсэн хүний ёсоор хандаж болно шүү дээ. Дэндүү араатан маягаар хандаж байсныг нь бодоод гомдол тасардаггүй юм даа. 2009 оны долдугаар сарын хоринд хүнээр түшүүлчихсэн нэг амьсгаа л ирсэн. Шорондоо үхүүлж нэрээ бузарлах гүй, эмч нарын магадлангаар гаргаж байгаа нь энэ. Хөл дээрээ зогсож чадахгүй, яс арьс болтлоо турсан, хоёр нүд нь ширгэчихсэн, осолгүй нэг амьсгааг "суллаж" байгаа нь тэр. Ярьж ч чадахгүй байсан. Бодол санаагаа төвлөрүүлж байж хэдэн өгүүлбэр шивнэж байсан л даа. Хоёр дахь хоног дээрээ ухаан алдчихсан. Эмнэлэгт очиж арав хоноод 2009 оны наймдугаар сарын хоёронд таалал төгссөн. Миний нөхөрт цагдаа, хуулийнхан дэндүү хатуу хандсан. Тэр чинь залуу насны харгайгаар алдаж онож явлаа ч гэсэн Монголын л нэг иргэн. Настай ээжтэй, хань ижил үр хүүхэдтэй, засарч хүмүүжье, хүний ёсоор амьдаръя гэж их өөдрөг сэтгэлтэй байсан хүн шүү дээ. Түүнийг тарчлаан зовоож алах ямар шаардлага байв. Гүтгэлгийн хар дансан дээр гарын үсэг зуруулж С.Зоригийг алсан болгох хэнд хэрэгтэй байв?! Энэ бүхнийг бодохоос дотор өмөрдөг юм даа” гэж 2010 онд хэвлэлд ярилцлага өгч байжээ.
