МАН-ынхан санал хураахаар ярсхийтэл 100 хувь гараа өргөж байгаа ч дотооддоо тусдаа ханлиг улс шиг намтай ганц нэг дүүрэг бий. Тухайлбал Сонгинохайрхан дүүрэг аварга Д.Сумъяабазарын атганд ороод удлаа. МАХН-ыг Улсын дээд шүүхээр татан буулгаж, МАХН-ын дарга Н.Энхбаярын хүү Э.Батшугарыг Сонгинохайрхан дүүргийн нөхөн сонгуульд нэр дэвшүүлэхээр тохирсон. Гэвч Хотын дарга Д.Сумъяабазар эсэргүүцэж байна. Д.Сумъяабазарыг сөрж, МАН-ын генсек, Шадар сайд С.Амарсайхан хоёр нийлээд ч хүч хүрэхгүй байхад, юун нэг тойрог салгах... Тиймээс МАН-аас Сонгинохайрхан дүүргийг нөхөн сонгуульд Ж.Сандагсүрэнг нэр дэвшүүлэхээр Д.Сумъяабазар толгой мэдэн шийдэж зүтгүүлж байгаа сурагтай. Тэгээд Сумъяабазар, Сандагсүрэн хоёр "сиамын ихэр" шиг ойрхон улс гэнэ.