Монголын төрөөс үеийн үед хадгалсаар ирсэн заншил, урьдын журмыг баримталж, төрт ёс, түүхэн уламжлалыг хүндэтгэн Төрийн тахилгат хайрхан уулсын тэнгэрийг тахих, ёслолыг үйлдэх нь зүйн хэрэг. Гэвч Ерөнхийлөгч У.Хүрэлсүхийн СУТАЙ ХАЙРХАН-ы тахилагат ёслолд дарга нарыг үй олноор нь дагуулж явсан асуудал сошиалд ихээхэн хэл ам дагуулаад буй юм. Учир нь У.Хүрэлсүх Ерөнхий сайд байхдаа өөрийг нь дагаж явсан дарга нарыг "хэрэггүй, далдаганасан дарга нар дагаж явлаа" хэмээн олны нүдэн дээр шүүмжилж байсан удаатай. Улс орны эдийн засаг хүнд энэ цаг үед цомхон хэмжээнд тахиж болох асуудлыг ийн бэсрэг наадмын хэмжээнд хийж буй нь олны дургүйцлийг хүргээд байна. Тэрбээр энэ удаагийн Төрийн тахилагат уулыг тахих ёслолд Ч.Номин, А.Ариунзаяа, Б.Мөнхбаатар, Б.Жавхлан, Л.Халтар зэрэг сайд нар оролцож, 200 гаруй том жийп машин, 3 нисдэг тэрэг явжээ.