АНЭУ 77’ 777’777 дирхамын сугалаа явуулж байгалиа хамгаална
Тооны билэгдлийг эрхэмлэдэг орнуудын нэг нь Арабын Нэгдсэн Эмир улс бололтой. Энэ улсын “Emirates Draw” компани эх орныхоо түүхэнд байгаагүй том сугалаа зарлав, 77’777’777 дирхам буюу 21,1 сая доллар. Нийт 7 ялагчийг тодруулах сугалаа 7 хоног бүр явагдана. Ялагч болгон 77’777 дирхам хожиж сүүлийн шалгаруулалтад оролцох эрхтэй. Жекпот нь 77’777’777 дирхам.
“Emirates Draw” компани улсынхаа экологийн төсөл, хөтөлбөрийг дэмжихийн тулд ийм сугалааг санаачилжээ. Тухайлбал, тус компани 7 эмир улсын нэг болох Фужейрийн эрэг дагуух шүрэн арлыг нөхөн сэргээн хөтөлбөрт оролцож байгаа.
“The Fujairah Cultured Coral Reef Gardens” төсөл нь Оманы булангийн 60 хөлбөмбөгийн талбайтай тэнцэх том газарт хэрэгжинэ. Шүрэн арлын талбай 300’000м2, ойрын хэдэн жилд багтан 1,5 сая шүрэн полип (наалдаахай) суулган арвижуулах аж. Хөтөлбөрийн зорилго нь тэнгисийн ургамал, амьтны аймгийг хадгалж үлдээх, загасны үржлийг нэмэгдүүлэх, гадаадын болон эх орныхоо дайверууд болон байгаль сонирхогчдыг ийш татан авчрах.
Түүхэн сугалаанд оролцохын тулд хүмүүс 50 дирхамаар шүрэн полип худалдаж авч онлайн системд бүртгүүлэх ёстой. Тэдэнд 7 оронтой дугаар олгоно, оролцогчид хүссэн дугаараа шилж сонгох боломжтой. Эдгээр дугаараар сугалаа явуулна, бүх 7 тоо таарвал хожил. Эхний шалгаруулалт 2021 оны 9 сарын 25-нд шууд явагдана.
Сэтгэгдэл
Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Төстэй мэдээ
