Японы Сумогийн холбоо Хакухо М.Даваажаргалыг зодог тайлахыг зөвшөөрч, Магаки оякатагийн нэрийг хайрласан билээ. Гэхдээ түүнд дэвжээ нээх эрх олгоогүй бөгөөд Мияагино дэвжээнд туслах оякатагаар ажиллахыг зөвшөөрсөн байна. Ингээд Мияагино ояката ирэх 2022 оны наймдугаар сард тэтгэвэрт гарч, түүний үйл хэргийг Хакухо үргэлжлүүлэхээр болжээ..

Ёкозуна Хакухо саяхан "Nikkan Sports”-д ярилцлага өгөхдөө "20 сая ам.долларын өртөгтэй дэвжээ барих төсөл хэрэгжүүлнэ" гэжээ. Хакухо гурван жилийн өмнөөс Токио хотын Гинза дүүрэгт дэвжээ байгуулахаар судалж байгаа гэнэ. Сумогийн 69 дэх их аварга Хакухогийн байгуулах бөхийн дэвжээ 2024 онд ашиглалтад орох төлөвлөгөөтэй байгаа гэнэ. Сонирхуулахад, Японы мэргэжлийн сумо бөхийн дээд зиндаанд 45 удаа түрүүлсэн ёкозуна Хакухо тэтгэвэрт гарахдаа сүмогийн түүхэн дэх хамгийн өндөр үнийн дүнтэй тэтгэмж авах юм байна.