Экспо Дубай 2020 үзэсгэлэнд Монголын 86 үзмэр оролцож байна
ЭКСПО ДУБАЙ 2020 дэлхийн үзэсгэлэнд Монголын Үндэсний музей, Монголын Үндэсний Номын Сан оролцож байна. Арабын Нэгдсэн Эмират Улсын (АНЭУ) Дубай хотноо “Экспо Дубай 2020” дэлхийн үзэсгэлэнгийн нээлтийн арга хэмжээ боллоо. Тус үзэсгэлэн нь “Оюун санаагаа нэгтгэн ирээдүйг цогцлоон бүтээх нь” сэдвээр 2021 оны 10 дугаар сарын 01-ээс 2022 оны 3 дугаар сарын 31-ний өдөр хүртэл нийт 6 сарын туршид зохион байгуулагдах юм.
Энэ үзэсгэлэнд Монгол Улс оролцох шийдвэрийг 2018 онд Засгийн газраас гаргасан юм. Оролцох бэлтгэл ажлыг Гадаад харилцааны яам болон Монголын Үндэсний Худалдаа Аж Үйлдвэрийн Танхим хамтран зохион байгуулж, Соёлын яам, Байгаль орчин, аялал жуулчлалын яам, Монголын Үндэсний Музей, Монголын Үндэсний Номын сан, Зэв дижитал нүүдлийн музей зэрэг байгууллагууд дэмжин оролцжээ.
Монголын Үндэсний музейн сан хөмрөгөөс 59 дэсийн 86 үзмэр, Монгол Улсын Үндэсний Номын Сангийн сан хөмрөгөөс 12 ном, бичгийн хэрэгсэл тус үзэсгэлэнд дэлгэгдсэн бөгөөд Монголын өнө эртний соёл, түүхийн нэгээхэн хэсгийг уг дэлхийн үзэсгэлэнд толилуулж байна.
Сэтгэгдэл
Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Төстэй мэдээ
