Анх 2016 оны намар Ц.Цэрэнпунцаг гарьдын ууган охин Ц.Пүрэвжаргал Б.Мөнхтөр гэдэг залуутай сүр дуулиантай тансаг хурим хийж байв. Гурван жил хамт амьдарсан Ц.Пүрэвжаргал, Б.Мөнхтөр хоёр дундаасаа хоёр хөөрхөн охинтой. Гэвч Ц.Цэрэнпунцаг гарьдын охин Ц.Пүрэвжаргал зоримог шийдвэр гаргаж, дахиад шинэ амьдрал эхлүүлжээ. Ц.Цэрэнпунцаг гарьдын охин Ц.Пүрэвжаргал SPS телевизийн захирал. Харин шинэхэн нөхөр нь Блүүмберг телевизийн захирал сэтгүүлч Э.Долгион. Э.Долгион өмнө нь гэрлэсэн, эхнэр нь төрөөд удаагүй, балчир хүүтэй аж.  

Ц.Цэрэнпунцаг гарьд хуучин хүргэн Мөнхтөрдөө тийм ч таатай ханддаггүй байсан төдийгүй охиныхоо амьдралд хөндлөнгөөс оролцож, гэр бүл салахад нь ихээхэн нөлөөлсөн гэх.  Юутай ч олны хэл амны бай болж учирсан Э.Долгион, Ц.Пүрэвжаргал хоёр удахгүй шинэ хүнээ угтан авах юм байна.

Ц.Пүрэвжаргал, Э.Долгион нар Зайсанд байрлалтай тэрбум гаруй төгрөгийн үнэтэй 10 өрөө бүхий пентхауст Пүрэвжаргалын хоёр охины хамт амьдарч байна. Гарьдын охин Ц.Пүрэвжаргал Монголын толгой баячуудын өв залгамжлагч дотроос царайлаг хөөрхнөөрөө гайхагдсан бүсгүй. 

Э.Долгионы тухайд хэвлэлийн салбарт нэр хүндтэй, карьер өндөртэй залуу. Өдгөө 40 нас шүргэж яваа тэрээр эхнэр хоёр хүүхдээ орхиж, өөрөөсөө 10 гаруй насаар дүү бүсгүйг ханиараа сонгож, хоёр охиных нь эцэг болох шийдвэр гаргасан байна.