Ардчилсан намаас нэр дэвшигч Эрдэнийн Бат-Үүл одоогоор 4925 сонгогчийн санал аваад байна. Өмнө нь 2020 оны УИХ-ын сонгуульд Ардчилсан намаас Ганбатын Очирбат хэмээх олонд танигдаагүй залуу нэр дэвшсэн. Тэрээр 10761 сонгогчийн санал авсан байна. Г.Очирбат хэмээх залууг “Өд” ариун цэврийн цаас, Тоди памперсыг үйлдвэрлэдэг гэдгээр сонгинохайрханчууд мэддэг байж магадгүй. Мөн 2020 оны УИХ-ын сонгуульд Сонгинохайрхан дүүргийн 28 дугаар тойрогт нэр дэвшсэн О.Магнай 7324 санал авчээ. Хэн ч танихгүй эмэгтэйг АН-аас нэр дэвшүүллээ гээд шүүмжлүүлээд байсан 28 дугаар тойрогт нэр дэвшигч Пүрэвийн Цэцэгмаа 2020 онд 6132 санал авчээ. Харин нөхөн сонгуулиар Ардчилсан намын лидер 5000 хүрэхгүй санал авсан нь сонгинохайрханчуудын сонголт юм даа.