"БЭЭЖИН-2022” ОЛИМПИЙН ГАЛЫГ ӨНӨӨДӨР АСААНА
Өнөөдөр буюу 2021 оны аравдугаар сарын 18-ны даваа гарагт орон нутгийн цагаар өглөөний 10 цаг 30 минутад Грекийн Олимпод уламжлал ёсоор Эртний Олимпийн туурь дээр “Бээжин-2022” Өвлийн олимпийн XXIV наадмын галыг асаах ёслол болно.
Цар тахлын нөхцөл байдлын улмаас Олимпийн галыг асаах ёслол үзэгчгүй болох юм. Мөн Грект галт бамбарын буухиа явагдахүйгээр аравдугаар сарын 19-нд Афин хотноо Panathenaic stadium буюу 1896 онд Орчин үеийн анхны олимпийн наадам зохиогдсон “гантиган” цэнгэлдэхэд Олимпийн галыг “Бээжин-2022” олимпийг зохион байгуулах талд хүлээлгэн өгөх ажээ.
“Бээжин-2022” Өвлийн олимпийн XXIV наадам 2022 оны хоёрдугаар сарын 4-20-нд зохиогдох бөгөөд долоон спортын 15 төрлөөр, 109 багц медалийн төлөө 90 гаруй орны 4000 орчим тамирчид өрсөлдөнө.
Сонирхуулахад Бээжин Зуны болон Өвлийн олимпийг хоюуланг нь зохион байгуулсан анхны хот болох юм.
Сэтгэгдэл
Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Төстэй мэдээ
