"Дижитал үндэстэн" шоуг зохиосон баг Cabaret үзүүлбэр зохион байгуулна

10 дугаар сарын 27,28-ны өдрүүдэд Лондон, Парис, Москва хотуудад тоглогддог мэргэжлийн Cabaret бүжгийн үзүүлбэр Шангрилад болно. Москва хотоос 8 гишүүнтэй охидын хамтлаг ирж, европ бүсгүйн гоо үзэсгэлэнг гайхуулах нь. Тасалбарын үнэ нь суудлаасаа хамаарч 570,000-860,000 төгрөгний үнэтэй байх гэнэ. Тус шоу тоглолтын орчин +21 тансаг зэрэглэлийн эротик уур амьсгалыг зочдод бүрдүүлсэн байх аж.

Европийн томоохон хотуудын казино, 5 одтой зочид буудлын их танхимуудад VIP шоу үзүүлбэр үзүүлдэг топ бүжигчдийг урилгаар Монголд авчрахаар болжээ. Эдгээр бүжигчид нь нийт 14-15 үзүүлбэртэй, үүнээс тус үдэш өөр газар тоглогдож байгаагүй 6 тусгай үзүүлбэрийг шинээр бэлдэж ирж байгаа гэнэ.

Тэд дэлхийн циркийн үзүүлбэр, амьд хөгжмийн хамтлаг, DJ сет болон Монголын чадварлаг уран бүтээлчдийг хөтөлбөртөө багтаажээ. Тэрчлэн Шангри-Ла зочид буудлын өнцөг булан бүрд Cabaret шоуны тансаг орчин бүрдүүлж, Амстердам хотын Red Light Street-г бүдэг гэрэлд бүтээн халуухан охидоор чимж байгаа гэнэ. Шоунд оролцох хүмүүс маскарад масктай ирэхийг зөвлөж байгаа бөгөөд цөөн тооны зочдыг хүлээн авна.

Энэ шоуг зохион байгуулах BRB компани нь саяхан үндэсний соёл амралтын хүрээлэнд Digital Nation үзэсгэлэнгийн төв тайзыг хийж Монгол Улсад анх удаа олон зуун Дрон хөөргөж агаарын гэрлийн шоу амжилттай үзүүлсэн. Одоо цөөн хүрээнд дээд зэрэглэлийн гоёмсог Европ хүүхнүүдийг ойроос тольдох боломжийг олгож байгаа гэж сурталчилжээ.

Сэтгэгдэл

Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.