Улстөрч Х.Баттулга Ерөнхийлөгчийн сонгуульд нэр дэвшихдээ ууган охин Б.Намуунаа дагуулан явж, аав охин хоёр Америкийн ерөнхийлөгч Доналд Трамп, Иванка Трамп нарыг дууриалаа гэж шүүмжилж байв. Энэ үеэс Тэргүүн охин гэж нэрлэгдсэн Намуун нэрээрээ сан байгуулж, нээлтээ хийсэн.  Ерөнхийлөгч Х.Баттулгын охин Б.Намуун Тэрэлж дэх “Тэрэлж” зочид буудалд сангийнхаа нээлт, хандивын үдэшлэгийг гадны зочид голдуу хүрээнд, хаалттай нууцхан хийжээ. Тэргүүн охины сангийн нээлтэд Ерөнхийлөгч Х.Баттулга оролцож, охиныхоо эхлүүлсэн ажлыг дэмжиж үг хэлсэн аж. Хүүхдийн төлөө сайн үйлс, санаачилга өрнүүлэх “Намуун” сан юуны түрүүнд хүүхдийн эмнэлэг барих ажилд анхаарал хандуулж эхэлжээ. "Намуун” сангийн хандивын үдэшлэгт Өмнөд Солонгосын алдартай жүжигчин Ли Бён Хон буюу Монголд “Бүгдийг нь”, “Амьдралын ээдрээ” нэрээр гарсан киноны Ким Инха мэндчилгээ дэвшүүлж, амжилт хүсчээ. Ер нь сүүлийн үед монголын баячуудын хүүхдүүд Азийн жүжигчид, Америкийн баячуудаар гоёх болсон. УИХ-ын гишүүн О.Содбилэгийн эхнэр Туул Парис Хилтонтой шоудсан гэж шуугиулж байв. Төрийн соёрхолт Болд, Ерөнхий сайд асан Сү.Батболдын хүү, Баттүшиг нар  солонгос дуучинтай хамт авахуулсан зургаа “найз” гээд л цахимаар цацсан. Харин ерөнхийлөгчийн охин Солонгосын хамгийн алдартай жүжигчин, Холливудад уригдан кинонд тоглосон Ин Хагаар мэндчилгээ дэвшүүлж "бут цохилоо".

 Ерөнхий сайд асан Сү. Батболдын хүү Б.Баттүшиг, “МАК”-ын Нямтайширын охин Н.Цэлмүүн хуримаа хийсэн. Тэдний хурим Terelj Hotel-д болж, хосуудын ах дүү, найз нөхөд 500 хүн оролцож зардал нь нэг тэрбум төгрөг давсан гэж яригдаж байлаа. Н.Цэлмүүний өмссөн нэг даашинз 35 сая төгрөгийн үнэтэй байсан гэдэг. Одоо Ерөнхийлөгчийн охин Б.Намуун, "Оюуны Ундраа"-гийн боссын хүү Тэнүүн хоёрын хурим тэднийг давсан нижгэр, цуутай хурим хийж магадгүй гэж хүлээж байна.