Монголд эр “Алдармаа” тодорчээ. 21 настай эрэгтэй Ч.А нь хохирогч Л.Т-г гэртээ дуудан авчраад “манай эхнэртэй хувийн харилцаанд орсон” гэх хувийн таарамжгүй харьцааны улмаас маргалдан буцалсан ус нуруун дээр нь асгаж эрүүл мэндэд нь хүндэвтэр хохирол санаатай учруулжээ. Тэрээр хохирогчийг эхнэртэй нь явалдсаныг мэдсэн байжээ. Хохирогч нь Архангай аймагт амьдардаг тул эхлээд очиж зоджээ. Тухайн үед хүн салгаагүй бол үхтэл нь зодох байсан хэмээн шүүгдэгч дараа нь мэдүүлжээ. Дараа нь ахин утасдаж “Улаанбаатар хотод манай гэрт хүрээд ир би чамайг хэр их гэмшиж байгааг чинь харъя” гэсэнд хохирогч дуулгавартай нь аргагүй ирсэн байна. Гэрт нь очиход хутга ил тавьсан ширээний өмнө сөгдүүлж суулгаад “болсон явдлыг ярь” гэжээ. Хохирогч хотод ирсэн, эхнэртэй уулзсан талаараа ярьжээ. Гэсэн ч уурлаж бэлгийн харьцаанд хэдэнэ удаа орсон, ямар байрлалаар хийснээ хэл гэж шаардсан байна. Ярьж өгсөнийх нь дараа Ширээн дээр байсан хутгаа барьж босож ирээд “би чамайг яах вэ” гэж асуухаар нь хохирогч “чи намайг зүгээр алчих, чамаас яаж уучлалт гуйхаа мэдэхгүй байна” гэжээ. Ингээд зодуулжээ. Дээгүүрх хувцсыг нь тайлуулаад дөрвөн хөллүүлээд хутгаар нурууг нь зүсжээ. Дараа нь эхнэрээрээ буцлам халуустай ус буцалгагч авчруулаад ар шилнээс нь эхлэн нуруугаар асгаж хүнд түлсэн байна. Дараа нь хийгдсэн шүүх эмнэлгийн шинжилгээгээр хохирогчийн биед ар нуруу, дагз, шилэн хүзүү, хоёр мөр, баруун бугалга, шуу, баруун гуя, баруун хацар,шанаа хэсгийг хамарсан биеийн нийт гадаргуугийн 23% талбайг хамарсан II-IIIА зэргийн түлэгдсэн шарх, доод уруулын дотор салстад язарсан шарх, нурууны баруун хэсэгт өнгөц зүсэгдсэн шарх гэмтлүүд тогтоогдсон. Харин тухайн үед тэрээр шууд цагдаад хандаагүй аж. Харин ч Архангай аймагтаа очоод нэгдсэн эмнэлэгт Цэрэндонойн Цэрэн гэсэн хуурамч нэрээр хэвтэж эмчлүүлжээ. Хохирогч өөрийгөө гэм буруугүй хүн биш гэж үзсэн тул гомдол хохиролгүй гэжээ. Харин шүүгдэгчид нэг жилийн тэнсэн харгалзах ял өгчээ.
