Жүжигчин продюсер Ж.Баясгаланг "Баян" Баясаа гэлцдэг. Тэрбээр жүжигчин Б.Амарсайхантай гэр бүлийн найз. Хамтдаа "Үргээлэг", "Ар хударга" зэрэг хэдэн кинонд тоглож байсан. Харамсалтай нь Ж.Баясгалан 4-5 жилийн өмнө бартаат замын уралдаанд оролцож байгаад хүнд бэртэн суумгай болсон. Гэсэн ч амьдралын төлөө тэмцэж, эхнэртэйгээ хослон дуулж, 2020 оны УИХ-ын сонгуульд нэр дэвшисэн удаатай. Одоо оюутан болжээ. Тэрбээр "Оюутан боллоо...Сурахад хэзээ ч оройтдоггүй. СУИС төгссөнөөс хойш 22 жилийн дараа Эхнэртэйгээ хамт 97 жилийн түүхтэй Худалдаа Үйлдвэрлэлийн Их Сургуулийн Эрх Зүйн ангид элсэн орлоо. Хөгжлийн бэрхшээлтэй "Тусгай Хэрэгцээт" иргэдийг сурах бололцоогоор хангахад хүлээсэн үүргээ биелүүлж, бусад их сургуулийнхаа түүчээ болж байгаа Сургуулийнхаа захиргаа, багш нар, хамт олон, оюутнууддаа баярлалаа" гэжээ.