Мисс, загвар өмсөгч, “Помогите нам” кинонд дүрээ мөнхөлсөн Эрдэнэ-Очирын Сэлэнгэ Америкт суурьшин амьдраад удлаа. Эрх чөлөөний оронд амьдарч байгаа мисс Э.Сэлэнгээс эрх чөлөө ханхалдаг, хэн юу гэж хэлж, юу гэж бодох бол гэсэн азийнханд байдаг баригдмал айдас байдаггүй, өөрийнхөөрөө шулуухан зантай. Тиймдээ ч нэг ярилцлага өгсний дараа хүмүүс шүүмжилж, магтаж бөөн яриа болох нь бий.
Өөлөх өөгүй хөөрхөн байсан Э.Сэлэнгэ Солонгосын гоо сайхны эмнэлэгт мэс засал хийлгэж, унаган багын төрхөө гээсэн. Э.Сэлэнгэ үе үе гадаад залуутай зургаа авахуулж, эсвэл хагас нүцгэн, дотуур хувцастай зураг авахуулж олны нүдийг бүлтийлгэдэг. Америкт амьдарч байгаа мисс Э.Сэлэнгийг нэгэн цуутай бүсгүй “Ойрд мах идээгүй гээд хүний үлдээсэн аягатай хоолны мах түүж идсэн, муухай ажил хийж яваа тухай…” цахим хуудсандаа бичиж, түүнийг манайдаа гайгүй гэгддэг загвар өмсөгч дэмнэж Э.Сэлэнгийн тухай таагүй зүйл бичиж үлдээв.
Э.Сэлэнгэ 2006 онд “Азийн хатан хаан” өргөмжлөл авсан гэгддэг Оюунгэрэл тэргүүтэй бүсгүйчүүдийг ардаа орхин Дэлхийн мисст Монголоо төлөөлөн оролцож явсан, Fashion TV-д Монголоос уригдан очиж ажилласан сайхан бүсгүй. Одоо харин харийн газар гундуухан яваа тухай мисс, загвар өмсөгчид голдуу бүсгүй мэр сэр ярьж бичих болж. Сайхан хүүхнийг хов дагадаг. Нүд үнэн, чих худал гэдэг болохоор Э.Сэлэнгэ тэгтлээ дор орчихоогүй биз.

Мисс Э.Сэлэнгэ сүүлийн жилүүдэд сошиал орчинд олны анхаарлын төвд байгаа. Тэрээр Egg donor буюу өөрийн өндгөн эсийг хүүхэд олох боломжгүй болсон хүмүүст хандивлажээ. Энэ талаар мисс Э.Сэлэнгэ "Нийтдээ 220 мянган ам доллар авснаас би өөрийн хувь болох 15 мянган ам долларыг авсан. Түүгээрээ өөртөө гоё гоё засвар хийлээ" гэжээ.