Бизнес эрхлэгч залуухан хатагтай Солонго ”Жордан бьюти” гоо сайхны бараа бүтээгдэхүүн борлуулж, тураах үнэртнийхээ нүүр царайгаар мяраалаг модельд тооцогддог байсан Д.Ариунцэцэг, дуучин Р.Номин-Эрдэнэ хоёрыг сонгон ажиллаж, тэр хоёр ч чамгүй жин хассаныг хүмүүс санаж байгаа. “Хит” нэвтрүүлгийн Давааням агсантай үерхэж, төрсөн өдрөөр нь Солонгод 99 сарнай бэлэглэж, олны харцыг татсан сайхан хос байсныг мэдэх хүн цөөнгүй

Харин ирээдүйтэй бизнес эрхлэгч, орсон салбар бүхэндээ амжилт гаргадаг Солонго сүүлийн үед нам гүм байх болсон. Солонго Шангриллад нижгэр хийж, үе тэнгийнхээ залуу Ганзоригтой гэр бүл болжээ. Хосын хуриманд очсон хүмүүс нижгэр, тансаг хурим болсныг гайхаж, “Хуримандаа их ач холбогдол өгч сайхан зохион байгууллаа. 200 орчим сая төгрөг зарсан байх” гэлцэж байсан. Солонгын хуриманд “Харанга”, “Хурд”, “Камертон” хамтлаг, МУГЖ дуучин Б.Сарантуяа, Т.Ариунаа тэргүүтэй рок попын одод тэр аяараа очин ая дуугаа өргөжээ. Тансаг хуримынх тухай яриа одоо ч тасраагүй байгаа. Хувийн амьдралаа төвхнүүлсэн Солонго хувийн бизнесээ өргөжүүлж, “NAFA MINK”-ийн албан ёсны дистрибьютерээр ажиллаж, тансаг булган шуба ямар байдгийг монгол бүсгүйчүүдэд мэдрүүлж яваа.

Хэдэн жил олны харц, хэл амнаас ангид байж, хувийн амьдралаа төвхнүүлсэн Солонго улам үзэсгэлэнтэй, эмэгтэйлиг, эрхэмсэг болоод булган шубаны рекламаар монголчуудтай мэндчиллээ. Олон ч сайхан модель, олон ч үслэг эдлэл, шуба рекламдаж байхыг харсан ч Солонго хатагтай нэн үзэсгэлэнтэй харагдаж, NAFA булган шубаны борлуулалт нэмэгдэж, Н.Солонгын рейтинг, мөнгө хоёр зэрэгцэн өссөөр...