АНУ-ын жүжигчин Николас Кейж саяхан 5 дахь удаагаа гэрлэлтээ батлуулж, албан ёсоор 5 эхнэрийн нүүр үзэж байна. Түүний япон гэргий Рико Шибата дөнгөж 27 настай. Залуухан япон бүсгүй 57 настай Холливудын од Николас Кейжтэй гэрлээд жил болоогүй байгаа. Тэд Японд жилийн өмнө танилцаж, энэ жилийн хоёрдугаар сард гэрлэлтээ албан ёсоор батлуулсан юм. Саяхан болсон GQ сэтгүүлийн Men of The Year шагналын ёслол дээр Кейж 27 настай гэргийтэйгээ цуг ирлээ. Кимоно өмссөн Шибата дорнын гоо үзэсгэлэнг гайхуулж, Холливудын сайхан эмэгтэйчүүдийг үзэсгэлэн гоогоор дарж байлаа. Сонирхуулахад Николас Кейж анхны эхнэр Патрисиа Аркетт 1968 онд төрсөн, түүнээс 4 насаар дүү. Анхны эхнэрээсээ салаад алдар Элвис Преслейн охин Лиза Мария Прислейтэй гэрлэсэн. Гурав дахь эхнэр Алиас Ким нь 1983 онд төрсөн, Николс Кейжээс 19 дүү бүсгүй байсан. Дөрөв дэх эхнэр Эрика Койкетэй удаан амьдраагүй. Одоо өөрөөсөө 30 насаар дүү цэл залуухан бүсгүйтэй амьдарч байна.
