Германы төмөр хатагтай гэгддэг Ангела Меркель ирэх долоо хоногт албан ёсоор албан тушаалаа хүлээлгэн өгнө. Гэсэн хэдий ч түүнийг үдэх ёслол өчигдөр болсон талаар ВВС агентлаг мэдээллээ.
Германд аливаа төрийн дээд албан тушаалтны үдэлтийн баяраараа өөрийн сонсохыг хүссэн аяаа захиалах эрхтэй байдаг юм байна. Тэгвэл Ангела Меркель Зүүн Германаас гаралтай алдарт панк рок дуучин Нина Хагены "Du hast den Farbfilm vergessen" дууг сонгосон нь германчуудын сэтгэлд ихэд нийцжээ.
Учир нь Ангела Меркелийг сонгодог хөгжимд дуртай гэдгийг бүгд мэддэг байсан учир түүнийг рок хөгжим захиална гэж хэн ч төсөөлөөгүй байсан талаар DW агентлаг дамжууллаа.
Ангела Меркель 2021 онд болох Германы канцлерын сонгуульд нэрээ дэвшүүлэхгүй гэдгээ аль 2018 онд олонд нийтэд зарлаж байсан билээ. Өдгөө 67 настай Ангела Меркель Христийн ардчилсан холбоо намыг 2000 оноос хойш, Германы Засгийн газрыг 2005 оноос хойш тэргүүлж байсан юм.
