Бие хамгаалагч гэдэг ажил мэргэжлийн тухай бид Кевин Костнер, Уйтни Хьюстен хоёрын тоглосон “Бие хамгаалагч” киноноос бага зэрэг мэдэх болсон. Бие хамгаалагч орон байр гэхчлэн асуудлаа шийдүүлж, хамгийн азтай бие хамгаалагч нь хамгаалж байгаа эзэнтэйгээ ойр дотно харилцаанд ордог байх. “Бие хамгаалагч” кинонд ч энэ тухай гардаг. “Виктория секрет”-ын сахиусан тэнгэр байсан Германы загвар өмсөгч Хайди Клум бие хамгаалагчтайгаа хайр сэтгэлийн холбоотой болсон. Тэгвэл Монголд нэг азтай бие хамгаалагч бий. Тэр бие хамгаалагч бол Батзаяа, тэрээр Далай ламыг манай улсад айлчлахад дагалдан явж, бие хамгаалагчаар ажиллаж, дуучин Алсуг Монголд ирж тоглоход бие хамгаалагчаар нь ажилласан. Гэтэл бие хамгаалагч Б.Батзаяа сүүлийн хэдэн жил төрийн өндөр албан тушаалд сэлгэн ажиллаж, төрийн захиргааны хамгийн өндөр албан тушаал болох Төрийн нарийн бичгийн даргаар ажилласан намтартай. Бие хамгаалагч байсан Б.Батзаяа Зам тээврийн яамны Төрийн нарийн бичгийн даргаар ажиллахад тусалж, албан тушаалын шатаар амархан өгсүүлсэн “лифт” нь, өргөж татсан “кран” нь Ерөнхийлөгч Баттулга гэдэг. “Женко” Баттулгын хамгаалагчаар нь ажиллаж байгаад, итгэлийг нь олж, өндөр албан ушаалд хүрсэн гэдэг. Мөн Монгол Улсын анхны ерөнхийлөгч П.Очирбатын ойрын хамаатан Б.Батзаяа "Таван нүдэн" брэндийг эхлүүлж, алтадмал ганган шаазан аяг тавгийг цөөн хувь зах зээлд гаргаж, хэдэн арван саяар үнэлэн зарж чаддаг чамбай бизнесмэн.