Буриадын гавьяат дуучин Б.Амархүү ОХУ-ын томоохон шоу тэмцээнд түрүүлчихээд, 20 гаруйхан насны туранхай залуу эх орондоо ирж байлаа. Одоо нас нь 30 гарч, мисс, европын загварын тайзнаа гарсан модель эхнэртэй, өөрийнх нь төрсөн өдрөөр амьдралын бэлэг болон мэндэлсэн хөөрхөн хүүтэй. Өнгөрсөн 2020 оны сүүлч, 2021 оны эхэн түүний амьдрал том хар толбо үлдээж, хар тамхи хадгалсан хэргээр жил гаруй хоригдсон. Б.Амархүү хорих газраас гарч ирээд, сургалтын төв ажиллуулж, уран бүтээлдээ эрчтэй орсон. Саяхан нэг киноны гол дүрд тоглосон нь нээлтээ хийж буй. Хар тамхинаас ангижирсан дуучин Борхүүгийн Амархүү фитнесс залнаас салахаа болтж, бодибилдингийн мистерүүдээс дутахгүй булчинтай болжээ.