МАН-аас томилогдсон залуухан сайд нар алдаа гаргаж, хэл ам таталж буй. Ямартаа л 2000 оноос хойш МАН-ын эрх барьсан засгийн газарт завсаргүй шахуу сайдаар ажиллаж байгаа ЗГХЭГ-ын дарга Ц.Нямдорж "Давхар дээл"-гүй сайд нар хөнгөдөж нимгэдэж байгаа тухай ам алдсан. Энэ үг Соёлын сайд Ч.Номинг ихээхэн айлгасан бололтой. Төсөв батлагдахын өмнө төмс лууван тарааж, дээр Соёлын сайд Ч.Номин гэж бичин, эр нөхрөө хүртэл ичээсэн Ч.Номин энэ удаа өөрөөр үзэж байна. Тэрбээр хувийнхаа "Тэрэлж" зочид намынхаа нөлөө бүхий гишүүдийг урьж, амрааж дайлж байгаа гэнэ. Өнөөдөр гэхэд МАН-ын Удирдах зөвлөлийн гишүүд эхнэр хүүхдүүдтэйгээ уригдан, "Тэрэлж" зочид буудалд нь амарч яваа тухай Тусгаар тогтнолын ордноор нэг яригдаж байна. Ийнхүү намынхантай томчуудыг "найрч", айдгаа авдартаа хийж, сайдын суудлаа бэхжүүлж яваа бололтой.
