alim.mn | 2025.04.05
МАРГААШ РЦНК /УЛААНБААТАР ДАХЬ РУССКИЙ ДОМ-Д ОРОСЫН СОНГОДОГ БОЛОН ДЭЛХИЙН ШИЛДЭГ РОМАНС ЭГШИГЛЭНЭ
 
МАРГААШ РЦНК /УЛААНБААТАР ДАХЬ РУССКИЙ ДОМ-Д ОРОСЫН СОНГОДОГ БОЛОН ДЭЛХИЙН ШИЛДЭГ РОМАНС ЭГШИГЛЭНЭ. Саяхан 45 жилийнхээ ойгоор Оросын хамгийн содон тод хамтлагуудын нэг болох "Красная Горка", Монголын folk-rock "Алтан ураг" хамтлагийн тоглолтыг Монгол үндэсний хувцсыг орчин үеийн уламжлалт хэв маягтай хослуулан "Торго" компаний зуу гаруй тансаг загварын шоугаар чимж зочдоо баярлуулсан. Одоо Алтан гадас одонт РЦНК/ Улаанбаатар дахь Русский Дом нь монгол үзэгчиддээ удаах бэлгээ барих нь!
Учир нь маргааш буюу 2022 оны 1 дүгээр сарын 12-нд 19 цагт РЦНК-д урсан одсон он жилүүд, холыг ойртуулан Монгол, Оросыг холбох бид бүхний дуртай оросын сонгодог (Глинка, Чайковский, Рахманинов) романсаас эхлэн "хотын романсууд" болон дэлхийн шилдэг романс, уянгын дуунууд ОХУ-ын Ардын жүжигчин Олег Погудины "Ая дуу биднийг холбоно” тоглолтод эгшиглэх юм.
Олег Погудин нь Царскосельскийн урлагийн шагналт, Оросын Холбооны Улсын Засгийн газрын шагналт, ОХУ-ын Ерөнхийлөгчийн дэргэдэх соёл, урлагийн Зөвлөлийн гишүүн мөн Бүх Оросын хамгийн том урлагийн наадам болох «Синяя птица уралдааны шүүгч хүн.
Тэрбээр Орос төдийгүй АНУ, Герман, Франц, Их Британи, Итали, Испани, Португали, Швед, Израиль болон бусад олон оронд уран бүтээлийнхээ 20 гаруй тоглолтоор толилуулсан юм. Түүний урын санг тоймловол, арван есдүгээр зууны нэгдүгээр хагасаас хорьдугаар зууны дунд үе хүртэлх 100 орчим жилийн дотор зохиогдсон 500 гаруй романсуудыг дэлхийн 15 хэлээр дуулжээ.
Москва хийгээд оросын бяцхан хотуудын оршин суугчид, Парис, Берлин хотуудад ч үзэгчид уйлж, инээж, алга ташин хамтдаа дуулж, уярч, өнгөрсөн хорин таван жилийн хугацаанд түүнийг “Оросын мөнгөн дуу хоолой” хэмээн зүй ёсоор алдаршуулан тоглолтыг нь тэсэн ядан хүлээдэг гэнэ.
Гайхамшигт хөгжимчдөөс бүрдсэн өөрийн ансамблийн хамт эгшиглэх "Ая дуу биднийг холбоно” тоглолт нь жүжигчний Монголын үзэгчидтэй хийх анхны уулзалт бөгөөд дэлгэцийн цаанаас үзэгчидтэйгээ шууд ярилцах алтан боломжийг олгох сайхан үзвэр болох нь гарцаагүй.
Тоглолтыг ирж саатан соёрхоно уу.
Хаана: Сансарын ИМАРТ-аас хойш ШТС-руу өгсөх замд РЦНК
Хэзээ: 2022 оны 1 дүгээр сарын 12-нд 19 цагт
ҮНЭ ТӨЛБӨРГҮЙ ОРНО.

Сэтгэгдэл
Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Төстэй мэдээ