Энэтхэг даяар Covid-19-ийн халдварын тархалт нэмэгдэж байгаа хэдий ч нэг сая орчим Хинди шашинтнууд Ганга мөрний эрэг дээр цугларч, ариун усанд орохоор зэхэж байна. Жил бүрийн нэгдүгээр сарын 14-нд Макар Санкранти гэх Хинди шашны чухал өдөр мөргөлчид Ганга мөрөн, Бенгалын булангийн бэлчирт ариун усанд орохоор Гангасагар тосгонд очдог. Өнгөрсөн жил ч мөн адил Энэтхэгийн хойд хэсэгт болсон ижил төстэй томоохон шашны наадмын үеэр олон сая хүн цуглаж, дельта халдвар тархах нөхцөл бүрдсэн юм. Энэтхэгт нийт 35.88 сая Covid-19 халдвар бүртгэгдсэн нь АНУ-ын дараа орох дэлхийн хамгийн их үзүүлэлт болж байна.
Шинжилгээний хүчин чадал тааруухан гэх Энэтхэгт өдөрт 168.000 орчим Covid-19-ийн халдвар бүртгэгддэг. Энэ тоо огцом өссөн гэх тооцоо бий. Хурдацтай тархаж байгаа омикрон хувилбараас шалтгаалан олон муж шөнийн хөл хорио зарлаж, оффис, ресторануудыг хаасан байна. Гэсэн хэдий ч олон мянган мөргөлч баруун Бенгалийн зүүн муж дахь арал дээр жил бүр болдог Ганга мөрний ёслолын талбайд цуглараад эхэлжээ.
Урьдчилсан тооцоогоор мөргөлчид нэг сая хүртэл нэмэгдэж магадгүй байна.
