Реалити шоуны од Кардашианы бага охин Кайли Женнер "чөтгөрийн бага адтай" гэдгийг харуулж, бизнест, хувийн амьдралд ч тэр эгч нараасаа илүү азтай одтой яваа. 20 насандаа ээж, бас тэрбумтан болсон Тэгвэл одоо "Instagram" дээрх хамгийн нөлөө бүхий алдартнуудын нэг Кайли Женнерийн дагагчийн тоо 300 саяд хүрлээ. Тэрээр инстаграмд 300 сая дагагчтай болсон дэлхийн анхны эмэгтэй юм.
Кайли болон реппер Тревис Скотт нар хоёр дахь хүүхдээ хүлээж байгаа бөгөөд Тревис Скоттын "Astroworld" тоглолтын үеэр болсон эмгэнэлт явдлаас хойш цахим орчны идэвх нь буурсан.
Түүний араас "The Voice" нэвтрүүлгийн дасгалжуулагч, дуучин Ариана Гранде 289 сая дагагчтайгаар удаалдаг байна.
Харин Instagram дахь хамгийн олон дагагчтай хүн нь Манчестер Юнайтед клуб болон Португалын шигшээ багийн хөл бөмбөгчин Криштиану Роналду бөгөөд одоогоор 389 сая дагагчтай.
