Эдийн засаг, хөгжлийн дэд сайдаар С.Наранцогтыг томилно

Засгийн газрын өнөөдрийн /2022.01.19/ ээлжит хуралдаан эхэлж, дараах асуудлуудыг хэлэлцэж байна.

Коронавируст халдвар цар тахлын нөхцөл байдал, авч хэрэгжүүлж байгаа шуурхай хариу арга хэмжээ,

Монгол Улсын хилийн боомтын үйл ажиллагааг сайжруулж, экспорт, импортын барааны ачаа тээврийг эрчимжүүлэх ажлын явц,

Төр, хувийн хэвшлийн түншлэлийн тухай хуулийн төсөл,

Баруун болон зүүн босоо тэнхлэгийн төмөр замын төслүүдийн талаар зэрэг 20 гаруй асуудал хэлэлцэхээр төлөвлөөд байна.

Үүнээс гадна төрийн захиргааны албан тушаалын томилгоонууд хийх чигтэй байна. Тухайлбал, МХЕГ-ын дарга Т.Гантулгын оронд ХЗДХ-ийн Төрийн нарийн бичгийн даргааар ажиллаж буй Б.Баасандоржийг томилох нь.

Харин Б.Баасандоржийн оронд Хуульзүй, дотоод хэргийн яамны Хууль зүйн бодлогын газрын даргаар ажиллаж буй П.Сайнзоригийг томилох тохироо байна.

МАН-ын Удирдах зөвлөл өчигдөр оройн хуралдаанаараа улстөрийн томилгооны асуудал хэлэлцэж БОАЖ-ын дэд сайдаар Г.Түвдэндоржийг, Эдийн засаг, хөгжлийн дэд сайдаар С.Наранцогтыг томилохыг дэмжсэн билээ.

Сэтгэгдэл

Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.