“Анхны хайр” киноны Сүхигийн дүрээрээ монголчуудад анхлан танигдсан Чой Жи Ву жүжигчин дараа нь “Өвлийн хайрын дуу” киногоороо манайхны хайртай жүжигчин болсон гэж хэлж болно. Сонирхолтой нь энэ хоёр кинонд хоёуланд нь Бэй Юн Жун буюу бидний нэрлэдгээр Чань Вутай хамтран тоглодог. Киноны супер хосыг амьдрал дээрээ сайн найзууд байх гэдэг ч эсрэгээрээ тийм сайн харилцаатай бус. Энэ нь жүжигчин Чой Жи Вугийн ааш зангаас үүдэлтэй гэдэг. “Диваажингийн шат” кинонд Солонгосын хамгийн хамгийн баян жүжигчин Квон Сан Вутай хамтран тоглосон ч амьдрал дээрээ мөн л сайнгүй харилцаатай. Жижигхэн нүүртэй турьхан бүсгүйг сайхан хүүхэн гэж үздэг солонгосчууд Чой Жи Вуг хэт өндөр гэж адалдаг. Чой Жи Ву 1 метр 74 см өндөртэй, 49-хөн кг жинтэй болохоор анааш шиг, хэт өндөр гэлцдэг.  Чой Жи Ву жүжигчнийг солонгосчуудаас илүү япончууд илүү шүтэн биширдэг. Тиймээс Японы гоо сайхны бараа үйлдвэрлэдэг компаниуд бүтээгдэхүүнээ Солонгосын жүжигчин Чой Жи Вугаар сурталчлуулахаар их урьдаг, Чой Жи Вугийн рекламдсан бараа Японд эрэлттэй, гүйлгээ сайтай байдаг гэнэ. Юутай ч Чой Жи Вуг Японд айлчлах үеэр тухайн үед Японы Ерөнхий сайд байсан Койзуми өргөөндөө урин уулзаж, гоонь Ерөнхий сайдтай уулзсан Чой Жи Ву Солонгостоо нэлээн хэл аманд өртөж байсан. Японд өндөр нэр хүндтэй жүжигчин Чой Жи Ву сүүлийн үед төрөлх Солонгостоо амьдрахаасаа илүү Японд амьдарч, Сөүл дэх 3-4 сая доллароор үнэлэгдэх хоёр давхар хаус нь байнга эзэнгүй байдаг болжээ.  Чой Жи Вуг жилдээ 3-4 удаа үнэтэй гоо сайхны мэс засал хийлгэдэг, хамар ам, нүд бүгд хиймэл гэж гоочилдог ч одоогоор мэс заслаас өмнөх “ориг” зургийг нь дэлгэж гаргасан нь үгүй. Тэгэхээр сайхан хүүхнийг хов чимдэг гэдэг байж ч магадгүй. Эсвэл Чой Жи Ву мэс заслын ширээн дээр дахин мэндлэхээс өмнөх зургаа сайтар нууцалдаг байх.  Асрамжийн газар очихоороо өнчин жаахан хүүхдүүдэд ээж шиг нь байж чаддаг эелдэг энхрий Чой Жи Ву эрчүүдтэй харилцахаараа эмэгчин барнаас дутуугүй муухай аашилдаг. Тиймээс “Өвлийн хайрын дуу” кинонд хамтран тоглосон Бэй Юн Жу буюу бидний нэрлэдгээр Чань Ву амьдрал дээрээ хайрын романсаа үргэлжлүүлэх гэсэн ч муухай аашнаас нь болоод үргэн зугтсан гэдэг. Нэгэнтээ “Намайг ганц бие амьдардаг болохоор хүмүүс атаархдаг” гэж ярьж байсан Чой Жи Ву өөрөөсөө 13 дүү насаар дүү, оффист ажилладаг% олны танил бус хүнтэй гэрлэсэн билээ.