Монгол улсын ерөнхийлөгч асан Н.Энхбаяр Ерөнхий сайд, УИХ-ын дарга, Ерөнхийлөгчийн суудалд ээлж дараалан суусан, 1997 онд намын дарга болоод Монголын улс төрд голлох роль гүйцэтгэж, 2000-2009 Монголын үндэсний удирдагч, хаан гэгдэн нэрлэж цоллогдож явсан энэ эрхэм Монголын түүхэнд хэзээд үлдэнэ. Агуу хүний сүүдэр нь ч том гэдэг болохоор сайнаасаа илүү муугаар хэлэгдэх нь олон. Монгол улсын ерөнхийлөгч, хэмжээлшгүй эрхтэй  байгаад оймстойгоо хорих газар хүчээр ачигдаж, хамгаалагчтайгаа хамт шоронд хоригдсон, 11 хоног хуурай өлсгөлөн зарлаад амьд гарсан гээд хэн хүн давахгүй, тохиохгүй түүх энэ хүнд л бий. Амжилттай яваа эрийн ард сайн эмэгтэй байдаг гэдэг. Нэртэй улстөрч Н.Энхбаярын алдаа оноо, амжилт ялалт бүрийн ард гэргий О.Цолмон нь байсан, нөхөртөө ихээр нөлөөлдөг гэж яригддаг. Тэргүүн хатагтай О.Цолмонг “шүлсээ үсчүүлэн” муулсан улстөрч эрчүүд олон. Экс ерөнхийлөнч Н.Энхбаяр “Манай гэргий О.Цолмон надтай гэрлэж, олон хүүхэд төрүүлээгүй бол улс төрд гялалзсан амжилт гаргах байсан” гэж ам алдсан гэдэг. Н.Энхбаярын гэргий боловсролтой, сайн орчуулагч. Бас нүүдэлч малч удамтай монголчуудад ховор тохиолддог өндөр нуруу, цагаан арьстай сайхан бүсгүй. Хүний сайхан явсан гэвэл үнэмшдэггүй, залуу явсан гэвэл үнэмшдэг гэдэг. Юутай ч манай гуравдугаар ерөнхийлөгч Н.Энхбаяр сайхан залуу явсныг, гэргий О.Цолмон нь миссүүдээс дутахааргүй сайхан бүсгүй явсныг гэрчлэх зураг.