Монголын сагсан бөмбөгийн нэгдсэн “Янзтай” дээд лигийн комиссар Б.Ялалт лигийн тэмцээн өндөрлөх дөхсөн холбоотойгоор зохион байгуулалт, шагналын сан, улирлын шагналтнуудаа  зарлалаа.

  Хоёр сагсан бөмбөгийн холбоо нэгдэн, багууд нь оролцож буй.Монголд анх удаагаа дээд түвшинд 13 баг оролцож байна. Дээд лигийн нийт шагналын сан 130 сая төгрөг. Аварга баг 100 сая төгрөг авах бол хоёрдугаар байрт орох баг 20 сая, гуравдугаар байрт орох баг 10 саяыг тус тус хүртэнэ. Аваргын цуврал долоон тоглолтоор шийдэгдэх бол хүрэл медаль нэг тоглолтоор шийдэгдэх гэнэ. Тэргүүн тоглогчийг улирал болон плей-оффын тоглолтоор нь тодруулсан бол финалын тэргүүн тоглогчийг цор ганц финалын цувралын тоглолтоос тодруулна. Үндсэндээ зургаан шагналын эздийг тодруулна. Дөрвийг нь одоо танилцуулъя. Аварга авсан багийн дасгалжуулагч лигийн шилдэг дасгалжуулагчийн эзнээр тодорно.

• Тэргүүн тоглогч: Б.Билгүүн /Хасын Хүлэгүүд/
• Шилдэг хамгаалан тоглогч: О.Энхбаатар /Архангай Алтан Дорнодын Дайчид/
• Шилдэг шинэ тоглогч: Т.Ууганбаяр /Тэнүүн Өлзий Металл/
• Шилдэг зургаа дахь тоглогч: Б.Мөнхболд /Алдар Танан Гарьд/ Шагналын эздийг цэвэр статистик үзүүлэлтийг үндэслэн тодруулсан аж.

Гэхдээ талбай дээр ёс бус үйлдэл гаргасан тамирчдыг тоглолтоор торгосон. Г.Баттөрийг 500 мянгаар торгож, нэг тоглолт өнжүүлсэн. Т.Санчирыг багийнхаа андтайгаа зүй бусаар харьцсан үйлдлийг 500 мянгаар торгосон. Эрдэнэтийн Уурхайчид багийг сошиал дээр лигийн нэр хүндэд халдсан гээд мөнгөн торгуулиар торгожээ.