Жүжигчин Г.Золзаяагийн найз залуу Реппэр Roockie буюу У.Мөнхбагана СУИС-ийг Б.Отгонбат багшийн ангид кино драмын жүжигчин мэргэжлээр төгссөн билээ. Реппэр Roockie МУГЖ Ц.Төмөрхуяг, МУСТА О.Гэрэлсүх зэрэг олон хэдийнэ хүлээн зөвшөөрөгдсөн сайн жүжигчдийн хамтаар  “Саран хийл” уран сайхны киноны гол дүрийг бүтээж байна. Энэ киног Ф.Шиллерийн сонгодог эмгэнэлт бүтээл “Хар санаа, хайр сэтгэл”  жүжгийн зохиолоос сэдэвлэн хийжээ.

Киноны ерөнхий найруулагчаар Ч.Бат-Эрдэнэ ажилласан, зөвлөх найруулагчаар МУУГЗ Ч.Найдандорж ажиллажээ. Харин сонгодог жүжгийг орчин цагийн кино зохиол болгон хувиргах ажлыг “Гэм зэм” постдрамын жүжгийн зохиолч Я.Баяраа гүйцэтгэсэн байна.

Энэхүү дэлгэцийн шинэ уран бүтээл энэ сарын сүүлээр нээлтээ хийх аж.