"Хит" нэвтрүүлгийн санаачлагч, редактор Давааням агсны ганц хүү Даваадорж өнгөрсөн 4 дүгээр сарын 28-нд 30 нас хүрлээ. Төрсөн өдрөөрөө буян үйлс хийж, сайн үйлсийн аянаар чамгүй олон хүнд туслав. Нийт 5.324.700 төгрөг цуглаж өөрөө 3.000.000 сая төгрөг нэмээд, хэвтэн эмчлүүлж буй 16 хүүхдэд тус бүр 500.000 төгрөгөөр туслах зорилготой байсан ч хамгийн хүнд 8 хүүхдэд тус бүр 1 сая төгрөгний эмчилгээний зардал хандивлажээ. Хамгийн бага нь 9 сартайгаас 12 настай хүүхэд байсан аж. 
Д.Даваадоржийн охины ээж нь нэвтрүүлэгч Ч.Ундрал. Ч.Ундрал 1979 онд төрсөн. Маргааш 43 насны төрсөн өдрөө тэмдэглэнэ. Д.Даваадорж, Ч.Ундрал хоёр Дагийна нэрт хөөрхөн охинтой. Охин нь  цэцэрлэгийн насных. Д.Даваадорж аавтайгаа хамт авахуулсан зургаа байршуулж "2022.04.28 Амьдрал бол үл тасрах үргэлжлэл-3 үе. 1999-2022 он. Гурван савхин куртка гурвууланг нь эмээ нь урлав" хэмээн сонирхуулжээ.