"The Ellen DeGeneres Show"-ны хамгийн эхний мөн хамгийн сүүлчийн зочин бол Женнифер Анистон

Өнгөрсөн 4 дүгээр сард хөтлөгч Ellen DeGeneres өөрийн нэрийн "The Ellen DeGeneres Show"-гаа дахин хийхгүй зогсоох болсноо зарласан юм. Энэ шоун хамгий сүүлчийн зочин нь жүжигчин Женнифер Анистон. Мөн хамгийн анхны зочноор уригдаж байсан түүхтэй.

Ellen DeGeneres 2003 онд цацагдсан шоундаа анхны дугаарын зочноор "Найзууд" цувралын үзэсгэлэнт од Женнифер Анистон урьж байсан юм. Женнифер Анистон тус шоуны хөшгийг нь нээсэн бол одоо хаах гэнэ. Тэрбээр 19 жилийн хугацаанд тус шоунд 20 удаа уригдаж байсан ажээ. "The Ellen DeGeneres Show"-ны сүүлчийн дугаар 5-р сарын 26-нд цацагдана.

Хөтлөгч, комедиан, жүжигчин, зохиолч, продюсер Ellen DeGeneres "Өнөөдөр бид шоуныхаа сүүлчийн дугаарын зураг авалтыг хийлээ. 2003 онд шоугаа эхлүүлж байхад Iphone гар утас үйлдвэрлэгдэж эхлээгүй, цахим сүлжээ үүсээгүй, ижил хүйстнүүдийн гэрлэлтийг зөвшөөрдөггүй байлаа. Бид энэ дэлхийг хэрхэн өөрчлөгдөж, сайн болоод саар зүйлс нийгэмд тохиолдохыг харсан. Миний шоугаа хийх болсон зорилго бол олуулаа цуглаад, бүтэн цагийн турш сайхан зүйл мэдэрч, хөгжилтэй өнгөрүүлэх тэр зүйлийг бүтээх. Зорилго минь ч биелэж, таны амьдралын нэгээхэн хэсэг болж чадсандаа би баярлаж, хамтран ажиллаж байсан хүмүүсээрээ бахархаж байна. Баярлалаа, баярлалаа, баярлалаа, баярлалаа" гэж бичсэн юм.

Сэтгэгдэл

Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.