Өмнө нь ял шийтгүүлж байсан 24 настай Н.Э, мөн ял шийтгүүлж байсан 26 настай Э.Т болон эмэгтэй Н.Ц нар нь бүлэглэн, фэйсбүүк олон нийтийн цахим сүлжээнд “санхүүгийн тусламж авна, утас 000000” гэх зарыг байршуулан, уг зарын дагуу холбогдсон иргэн Б.З-ыг, Офицеруудын ордны хөшөөны урд талаас 000000 улсын дугаартай Приус-20 маркийн автомашинд суулган, “эмэгтэйн гэрт очно” хэмээн хуурч, Баянзүрх дүүргийн 19 дүгээр хорооны нутаг дэвсгэр, Зүүн Алтан-Өлгийн орчим, харанхуй гудманд очиж, иргэн Б.З-д хүч хэрэглэн, хүч хэрэглэхээр заналхийлж, бэлэн 140.000 төгрөг, Самсунг А6 маркийн гар утсыг нь дээрэмдэн авч, нийт 608.000 төгрөгийн хохирол учруулсан гэмт хэрэгт холбогджээ. Болсон явдлын тухай хохирогч нь “... фэйсбүүкийн “насанд хүрэгчдийн фэйсбүүк хаяг” гэсэн нэртэй 'бүлгэмээс "санхүүгийн туслалцаа авна” гэсэн зарын дагүу 88.... шиг санагдаж байна, дугаар луу залган 140.000 төгрөгөөр хамт хонохоор тохирч, би тухайн эмэгтэйг Офицерүудын ордны хөшөөний урд талын зам дээр хүлээж байтал 02 цагийн орчим саарал өнгийн Приустэй ирээд таксины мөнгө нь 2500 төгрөг гарсан гэсэн. Тэгэхээр нь 3000 төгрөг өгөөд тухайн таксигаар Офицеруудын ордны хойно байдаг Хаан банкнаас 140.000 төгрөг аваад нөгөө эмэгтэйг буучих тооцоог нь хийчихсэн гэсэн чинь “би шилэн тиркотой явж байгаа, эндээ сууж байя” гээд буухгүй байсан. Тэгээд тэр таксигаар тэр эмэгтэйгийнх рүү явахаар болж АСЕТ-ийн баруун талын түслах замаар чигээрээ хойшоо явж, Алтан-Өлгийгөөр орж чигээрээ хойшоо нилээн явсан. 02 цаг 40 минүтын орчим харанхуй мухар гудманд зогсохоор нь буутал нөгөө эмэгтэй буухгүй байсан, харин жолоочийн хажууд сууж байсан залуу багажнаасаа юм янзална гэж гарч ирээд онгойлгон юм үзэж байснаа “чи ямар их хүүхэн авдаг п...да вэ? гэж хэлээд миний нүүр лүү цохиод унасан чинь дээрээс нилээн хэд цохиод авсан. Би түрийвчээ дараад доошоо хараад хэвтсэн. Тэгсэн утсаа гаргаад ир гэсэн. Миний утас надад байхгүй нөгөө эмэгтэйд байсан ба утас нь энд байгаа гэж хэлээд миний нүүр лүү өшиглөчихөөд яваад өгсөн... Мөн машинд явж байх замд надаас нэхсээр байгаад 140.000 төгрөг авсан ...” гэжээ.
