Нийслэлийн Аялал жуулчлалын газар “Чингис” клуб хамтран мото спорт сонирхогчдын дунд “Талын салхи” олон улсын мото фестивалийг 7 дахь жилдээ зохион байгууллаа. "Талын салхи-2023” фестиваль энэ дугаар сарын 10-нд болов. Энэ удаагийн мото наадамд 21 аймгийн спорт клуб болон ОХУ, БНХАУ, БНСУ-аас 170 гаруй оролцогч ирж оролцжээ. Энэ дундаас "Плейбой мисс" Энхмаа олны анхаарлыг татаж байлаа.
“Плейбой” сэтгүүл Монголд хэвлэгдэн, хэдэн дугаар гаргаж, жүжигчин Х.Баярмаа, А.Туяа, Б.Баярмаа зэрэг сайхан бүсгүйчүүд тэргүүн нүүрийг нь чимсэн. Тэр тусмаа Н.Энхмаа хэмээх олны танил бус бүсгүйн зураг олны анхаарлыг татаж, “Плейбой мисс” нэртэй болсон билээ. “Плейбой мисс” удалгүй гэрлэж, гурван хүүхдийн ээж болсон. Олны өмнө төдийлөн гардаггүй Н.Энхмаа "Талын салхи" 2023 онд оролцон, шинэ дүр төрхөөрөө залуусыг дахин дагуулав.
