Тус компанийн Маркетинг борлуулалтын хэлстийн ахлах мэргэжилтэн Б.Булган хятад иргэн Вуюунбилиг /Wuyunbilig/-ээс 164,8 сая төгрөгийн хахууль авсан хэрэгт холбогджээ. Энэ нь “Эрдэнэс таван толгой” компаниас өнгөрсөн онын намар зарласан сонгон шалгаруулалтанд хятад иргэний хамаарал бүхий компанийг ялуулсаны “шан” байжээ. Ахлах мэргэжилтэний хувьд Б.Булган нь гэрээ байгуулах шийдвэр гаргасны дараа гэрээний төслийг боловсруулах, хянах, гэрээ байгуулагдсаны дараа гэрээний гүйцэтгэлийг хянах, хангуулах, гэрээ дууссаны дараа гэрээг дүгнэж хаах чиг үүрэгтэй. Түүний мэдүүлсэнээр гэрээ байгуулагдсаны дараа “...дугаартай гэрээ байгуулагдсан дараа худалдан авагч надтай We chat-р холбогдож “танай компанитай гэрээ байгуулан, үргэлжлүүлэн хамтран ажиллах болсондоо баяртай байна. Баярласнаа илэрхийлээд чамд бэлэг хүргүүлье. Монгол дахь дансны дугаараа явуулаач” гэж хэлсэн. Ингэснээр би тухайн хүнд найз . . . дансыг нь авч явуулсан. Улмаар дансанд 164.000.000 төгрөг орж ирсэн. Миний бие тухайн үед мөнгөний яаралтай хэрэг байсан тул хувийн хэрэгцээнд тус мөнгийг захиран зарцуулсан. Тус үйлдэлдээ маш их харамсаж гэм буруутай үйлдэл хийсэн гэдгээ хүлээн зөвшөөрч байна...” гэжээ. Тэрээр нэгэн найзынхаа дансаар уг мөнгийг авчээ. Уг ажилтан “...“...Тэр өдөр Улаанбаатар хотод байсан бөгөөд Булганы LEXUX 570 загварын машиныг нь түр гуйж унаад гадуур ажилтай явж байсан юм. Тэгсэн над руу утсаар яриад “Данс руу чинь мөнгө шилжүүлчихье, хэдэн гүйлгээ хийгээд өгөөч. Зарим мөнгийг нь бэлнээр авчраарай” гэсэн. Ингээд үдээс хойш банк хаахын өмнө миний дансанд 164.844.285 төгрөг орж ирсэн. Мөнгө орж ирсний дараа би Б.Булганд “мөнгө нь ороод ирлээ” гэж хэлсэн чинь “чи тэгвэл хэдэн данс руу гүйлгээ хийгээдхээч” гээд дансны дугаар өгсөн. Өөрөө ажилтай завгүй байна гэж байсан. Ингээд би өгсөн данс руу нь байрны түрээс гэж мөнгө хийсэн. Үлдэгдэл болох 80 гаран сая төгрөгийг Наадам центр буюу төв Хаан банкнаас бэлнээр авч орой нь 13-р хорооллын орчимд машиныг нь өгөх гэж уулзахдаа өгсөн...” гэж мэдүүлжээ. Шүүх Б.Булганд нийтийн албанд томилогдох эрхийг хоёр жилээр хасаж 13 сая төгрөгөөр торгох ял оноожээ. Хятад иргэнийг таван саяао торгосон байна.
