Хохирогч Зао Юнхай нь “ ... Хадаа  анх 2014 оноос хойш ирж мөнгө нэхэж байсан. Өөрийгөө Хамаг Монгол хөдөлгөөний тэргүүн гэж танилцуулсан. Би нийтдээ 8 сая төгрөг орчим мөнгө өгсөн гэж тооцоолж байгаа 3.050.000 төгрөгөөр дансаар буюу баримттай, үлдсэн мөнгө нь ямар нэг баримтгүй байгаа. Тийм учраас би баримттай мөнгөө нэхэмжилж байна. Би мөнгө өгөх болсон шалтгаан гэвэл Хамаг Монгол гээд үндсэрхэг хөдөлгөөний тэргүүн энэ тэр гээд хэлээд байн байн үүдэнд зогсчхоод явахгүй байгаад байдаг. Миний хэвийн явах ажил төрлийг алдагдуулж, сэтгэл зүйн хувьд маш их дарамт шахалтад оруулдаг байсан. Хадаа нь үндсэрхэг үзлийн гишүүн, бие нь битүү шивээс болсон хүн. Би айсандаа болон ажил дээрээсээ хурдан явуулах зорилгоор мөнгө өгдөг байсан. Бид нар мэдээ үздэг. Тэгэхэд Хөх Монгол, Босоо монгол тэгсэн байна, ингэсэн байна гэх зэргийн мэдээлэл явдаг учраас яачих ч юм билээ гэж боддог...” гэжээ.

Сон Хуйгийн орчуулагч Бөхөө нь “ ... “...Манай ерөнхий захирал "энэ хаанаас авч ирсэн алттай чулуу вэ, гарал үүслийн бичиг байгаа юу" гэхэд  шивээстэй Хадаа "Бичиг баримт байхгүй" гэж хэлсэн. Ерөнхий захирал "бичиг баримтгүй. хууль бус чулуу авахгүй, буцаагаад аваад яв" гэхэд Хадаа гэгч Монголд танайх шиг намайг угтаж авсан газар байхгүй, бүгд намайг Хадаа ахаа гэж хүндэлдэг. Чи намайг Монголын нутаг дэвсгэрээс хөөхгүй. Би Монголын үндэсний хөдөлгөөний тэргүүн байна. Миний доор 5-6 мянган хүн байгаа" гэх зэргээр манай захиралд хэлснийг нь би орчуулсан. Хадаа манай захирлыг "ална шүү, уурхайн үйл ажиллагааг чинь зогсоож Монголоос хөөж гаргана" гэж хэлсэн. Тэгээд  хүдрээ буулгачихаад яваад өгсөн. Дараа нь энэ хүдрийг заавал худалдаж ав гээд надаас мөнгө нэхээд байсан. Ерөнхий захирал Сон Хуй  "Хадаа чам руу залгаад төвөг удаад байвал 1 сая төгрөг л шилжүүлчих" гэсэн. Анх алтны орд дээр ирээд нүүр царайгаа сонин болгоод орилж хашгираад ална шүү, танай уурхайн үйл ажиллагааг чинь зогсоож Монголоос хөөж гаргана гэх зэргээр айлгаж дарамталсан....” гэжээ.