УИХ-ын дарга Г.Занданшатар “Өргөн мэдүүлсэн хуулийн төслүүдтэй холбогдуулан Монголын Үндэсний Худалдаа Аж Үйлдвэрийн Танхим(МҮХАҮТ)-ын өмнөх удирдлагууд, CEO клубээс Нэмэгдсэн Өртгийн Албан Татвар(НӨАТ)-ын буцаан олголт хоёр хувь байгааг таван хувь болгож нэмэгдүүлэх санал ирүүлсэн. Үүнийг Сангийн яаманд өгч боловсруулан, бололцоотой эсэх төсвийн тооцоолол, макро эдийн засгийн тооцоололтой уялдуулсан мэтгэлцээн зохион байгуулна” хэмээн мэдэгдсэн нь олны анхаарлыг татлаа. Манайд НӨАТ-ын хууль хэрэгжиж эхэлсэнээс хойш бизнесийн хүрээнийхэн, эдийн засагчид болон олон нийт татвар болон буцаан олголтын талаар хэдэн талд гарган мэтгэлцсээр ирлээ. Гол сэдэв нь НӨАТ-ын хэмжээ болон буцаан олголтын зохистой харьцааны талаар гэхэд болно. НӨАТ-ын тухайд нийтээрээ төлдөг болж чадаагүйд асуудлын шалтгаан оршиж байна. Нэгэнт нийтээрээ төлдөггүй байдал болит байдал болсон тул НӨАТ-ын хэмжээ болон буцаан олголтын хэмжээний зөв харьцааг яаралтай, цаг алдалгүй тогтоох шаардлагатайд мэргэжлийнхэн санал нэгдсэн. Ийм нөхцөлд татварын хэмжээ бага, харин буцаан олголтын хэмжээ өндөр байх нь оновчтой шийдэл гэж яригдаж байна.  УИХ-ын дарга Г.Занданшатар үүнийг олж харан бизнесийн хүрээнээс гарсан саналыг Сангийн яаманд эхлээд хүргүүлсэн нь учиртай. Яагаад гэвэл хуулиараа татварын асуудал Засгийн газарт хамаарна. Тэд л эхлээд судалж боловсруулж, гарц гаргалгааг гаргах ёстой юм. Энэ тал дээр УИХ-ын даргын зохион байгуулахаар төлөлөж буй мэтгэлцээн нь шийдэлд хүрэх гол талбар нь болох юм. Ийм ч учраас эдийн засгийн чиглэлий эрдэмтэд, бизнесийн хүрээлэл болон олон нийт мэтгэлцээнд ихээхэн ач холбогдол өгөн хүлээж байна. Ихэнхи нь мэтгэлцээнд бэлдээд эхэлжээ. Манайд  татварын томоохон төрлөөр нийгмийн өргөн хүрээг хамарсан том мэтгэлцээн болж байгаагүй. Тэгвэл УИХ-ын дарга Г.Занданшатарын санаачилга энэ тал дээр анхдагч нь боллоо.