Манай алдарт “цавчаа ногоон” автобусны хэрэгт холбогдсон солонгос иргэд болох Лий Жунг Сууб /Lee Jung Seob/, Ким Киабаум /Kim Keabaum/ нар нь Монголоос явахаар онгоцны тийзээ захиалаад байхад нь эрүүгийн хэрэг хянан шийдвэрлэх ажиллагаанаас оргон зайлахыг завдсан гэх үндэслэлээр цагдан хорих таслан сэргийлэх арга хэмжээ авсан.  Шүүгчийн захирамжаар нэг сар хорих шийдвэр гарсан ч бас л шүүгчийн зхирамжаар 14-хон хонуулаад өчигдөр батлан даалтаар гаргажээ. Гэхдээ хилийн хориг тавьсан байна. Тэднийг цадан хоригдож байхдаа ярьж эхэлсэн гэсэн мэдээлэл цацагдсан. Энэ нь ч үнэн байх. Манай шоронгийн нөхцөл тэдэнд дэндүү хатуудах нь мэдээж.  Нэлээд юм хэлж бас цааш нь ч ярихаа “амласан” тул батлан даалтад гаргасан байж болох юм.