УИХ-ын дарга Г.Занданшатарын эхлүүлсэн НӨАТ-ын буцаан олголтыг таван хувьд хүргэх санал авах ажиллагаа энэ сарын 17-ний өдрийн 11 цаг 40 минутанд эхэлсэн. Санал авсанаас хойшхи ердөө зургаахан хоногийн дотор 100 мянган хүн дэмжсэн санал өгсөнөөр хуулийн төсөл боловсруулагдахаар боллоо. Богинохон хугацаанд босго саналыг авч чадсан нь энэ ажил олон нийтийн хүлээлт эрэлтэнд яв цав нийцэж байсныг харуулж байна. Хууль тогтоох байгууллагын тэргүүний хувьд үүнийг олж харж чадсаныг нь тэмдэглэх хэрэгтэй.  Буцаан олголтын хувь хэмжээг өсгөх санал эхнээсээ ширүүн эсэргүүцэлтэй тулсан. Бүр Сангийн сайд хүртэл эсэргүүцсэн нь байдлыг улам хүндрүүлсэн ч Г.Занданшатар өөрийн байр сууриа хатуу хамгаалж ирсэний хүчинд цаашид үргэлжилж улмаар үр хүнд хүрлээ. Өөрийн байр сууриа хамгаалаад зогсохгүй хийж гүйцэтгэх арга замын тухайд эсрэг талаа итгүүлж чадсан гэдгийг хэлэх хэрэгтэй. Ийнхүү эсэргүцэгчид ухарсанаар НӨАТ-ын буцаан олголтыг өсгөх хууль батлагдах замдаа гарлаа. Одоо хуулийн төслийг нягт нямбай боловсруулж хурдавчилсан журмаар батлах ажил үлдээд байна.