Төсвийн мөнгийг идэгчид завшигчидад өөрсдийн үйлдлийг цагаатгах өчүүхэн ч гэсэн шалтгаан байдаг. Тэр нь заримдаа бүр инээд хүрмээр байх жишээтэй. Дундговь аймгийн ЗДТГ-ын Стандарт хэмжил зүйн хэлтсийн ерөнхий нягтлан бодогч М.Мөнгөншагай нь 2022 оны 6-р сараас 12-р хүртэлхи хугацаанд өөртөө 12.8 сая төгрөгийн цалин илүү бодож олгоод баригджээ. Энэ хэрэг нь шалгалтаар илэрсэн агаад ерөнхий нягтлан залуу эхэндээ баримтаа гаргаж өгөхгүй "гүрийжээ". Ерөнхий нягтлан залуугийн төсвийн мөнгийг идсэн шалтгаан нь бүгдэд ойлгомжтой ч ээждээ өөрийгөө өмөөрөх "гайхалтай" өнцөгөөс талбайрласан байна. Ээж нь "... миний хүү ирээдүйд хийх ажлынхаа урьдчилгаа цалин болгож энэ мөнгийг авсан ..." хэмээн мөрдөгчдийн амыг ангайлгажээ.