Тэрээр “... хамтран амьдрагч жирэмсний хяналтад орно гээд явсан боловч 21 цагийн үед ажлаа тараад ирэхэд гэртээ ирээгүй басан. Утас руу нь залгахад утсаа авахгүй байсан. Тэгээд фейсбүүк дээрээ хөдөө явж байна, Улаанбаатар баяртай  гэж тавьсан  байсан, тэгээд би гэртээ ганцаараа хоносон.  Гэртээ  0,5 литрийн  3 ширхэг  улаан касс уусан. Тэгээд хадмынд очоод хамтран амьдрагчийнхаа 10 настай  хүүтэй уулзахад  “ээж танаас өөр хүнтэй чаталдаг, танд хань болохгүй” гэж хэлсэн.  Би  үүрч явсан  цүнхнээс  хамтран амьдрагчийнхаа ариун цэврийн  хэрэглэлийг гаргаж  чүдэнз зурж асаагаад  хадам ээжийн  гэрийн зүг  хашаа давуулаад  шидчихээд  гэр лүүгээ явсан” гэжээ.

Харин хадам ээж нь “...  намайг гэртээ ороход охины найз залуу Б гэрийн хашааны гадаа зогсож байгаа харагдсан. Тухайн үед намайг харж байгаад яваад өгчихсөн. Тэгээд би гэртээ ороод хоолоо хийгээд байж байтал шатаж байгаа даавуу үнэртээд байхаар нь гэрээс гарч тойрч үзэхэд гэрийн хойд талын бүрээсэн дээр эмэгтэй хүний ариун цэврийн хэрэгсэл шатсан байдалтай байхаар нь зээ охиноо гаргаж авхуулсан. Хашаан доторхоо тойрч үзэхэд хулдаасан гараашны дээд хэсэг болон хойд талын хормой хэсгийг шатаачихсан байхаар нь цагдаад дуудлага өгсөн...” гэжээ.