МҮОХ-ны тэргүүн Б.Баттүшигийг өнгөрсөн сард Парист дээрэмдсэн мэдээ анх Europe 1 чөлөөт сувгаар гарч, гадаадын хэвлэлээр гарсан билээ. Тэгэхэд Нямтайширийн Цэлмүүн цахим хуудсаараа няцаалт хийж би хохирогч гэсэн. Гэвч нөхөр МҮОХ-ны ерөнхийлөгч Б.Баттүшигтэй явсан нь тодорхой болжээ.
Тэд Парисын олимпын үеэрх аюулгүй байдлын талаар хэлэлцэхээр Францад очоод байсан юм.
Тэгвэл Францын Прокурорын газраас гэмт хэрэгтнүүдийг баривчилснаа мэдэгдлээ. Хэрэгтнүүд гурвуулаа байсан бөгөөд 22-25 насны залуучууд байжээ.
Тэд аравдугаар сарын 11-нд нисэх буудлаас Б.Баттүшиг эхнэр Нямтайширийн Цэлмүүний хамт сууж явсан микро автобусыг мөрдөж, туннельд орох үед нь халджээ. Автобусны арын цонхыг хагалж, арын суудалд тавьсан байсан цүнхийг дээрэмдээд мотоциклоор зугтсан байна.
Тэд өмнө нь мөн ийм аргаар Саудын Арабын жуулчдыг дээрэмдсэн нь илэрчээ.
Эх сурвалж: The Times
