Манай Эдийн засаг, хөгжлийн яамныхан улсаа дотооддоо бус харин гадаадад хөгжүүлэхээр шийджээ. Сайд Ч.Хүрэлбаатарын цэргүүд яамандаа тогтохгүйгээр гадаадад томилолтоор “ажиллаж” байна. Төрийн нарийн бичгийн дарга нь томилолтоор ажиллуулах тушаал сар бүр гаргаж сууна. 6-р сард Худалдаа, эдийн засгийн хамтын ажиллагааны бодлогын газрын мэргэжилтэн Б.Үйлст 20 сая төгрөгөөр Хятадад томилолтоор яваад ирсэн бол  7-р сард Хөгжлийн нэгдсэн бодлогын дарга Л.Балчинсүрэн нь 25 сая төгрөгөөр Америк яваад иржээ. Хамгийн өндөр томилолтын зардлыг сайдын орон тооны бус зөвлөх Б.Наранхүү, Хөрөнгө оруулалтын бодлогын газрын дарга Б.Анар, Худалдаа эдийн засгийн хамтын ажиллагааны бодлогын дарга И.Батхүү нар авчээ. Тэд бараг 100 сая буюу 72 сая төгрөгөөр Америк Орос яваад ирсэн аж.  Ийнхүү энэ яамныханы гадаад томилолтын зардлыг татвар төлөгчид мөд даахгүйд хүрэх нь бололтой.