Цахим гэмт хэрэгтэй тэмцэх хэлтсийн болон нийслэлийн Цагдаагий газрын хулгайлах гэмт хэрэгтэй тэмцэх тасгийн ажилтан нь мөрийтэй тоглоомчдоос байнга мөнгө авч хэргийг нь дардаг байсан гэх мэдээлэл цахимд шуугиан тарьлаа. Тэгвэл энэ нь ХЗДХ-ийн сайд асан одоогийн хотын дарга Х.Нямбатарын хийгээгүй ажилтай холбоотой гэнэ. Тэрээр өнгөрсөн онд “Цахим мэдээллийн аюулгүй байдлын эсрэг гэмт хэрэгтэй тэмцэх хүрээнд боловсруулах баримт бичиг болон сургалт зохион байгуулах” ажлаа огт гүйцэтгээгүй нь тогтоогджээ. Энэ нь экс сайдын төсвийн ерөнхийлөн захирагчийн хувь Төсвийн хуулийн дагуу хийж гүйцэтгэх ёстой үүрэг нь байсан. Түүний удирдаж байсан ХЗЯ цахим гэмт хэрэгтэй тэмцэх эрхзүйн болон арга зүйн баримт бичгийг боловсруулж гаргаагүй нь энэ чиглэлээр ажиллах цагдаагийн албан хаагчдыг тодорхойгүй байдал руу түлхэж улмаар гэмт хэрэгт холбогдох нэг шалтгаан нь болжээ.