УИХ-ын дарга Г.Занданшатарыын эхлүүлсэн НӨАТ-ын буцаан олголтын хувь хэмжээг нэмэгдүүлэх ажил ширүүн эсэргүүцэлтэй тулсан. Эсэргүүцэл Засгийн газар болон УИХ-ын түвшнээс гарсан тул буцаан олголтын нэмэлт бүтэхгүй гэх шуугиан олон нийтийн дунд тарсан. Гэсэн ч энэ асуудал дарагдаагүй агаад харин ч парламент, гүйцэтгэх засаглал хамтран татварын том шинэчлэлтийн эхлэлтийг тавьсан байна. Энэ тухай УИХ-ын дарга Г.Занданшатар : Манай татварын бодлого орчин үндэсний үйлдвэрлэгч, нэмүү өртөгч бүтээгч, баялаг бүтээгч нараа дэмждэггүй, зөвхөн импортыг дэмждэг тийм тогтолцоог үүсгээд байна. Иймд УИХ болон Засгийн газар хамтарсан ажлын хэсэг байгуулж татварын орчиндоо иж бүрэн дүн шинжилгээ хийж улмаар үндэсний үйлдвэрлэлээ дэмжсэн цогц татварын орчинг бий болгох ажлын хэсэг байгуулж ажлаа эхэллээ. Хамгийн эхэнд жишиг загвар болгон ургамалын тосны үндэсний үйлдвэрлэл болон импортыг авч үзсэн. Энэ талаархи судалгааг уг бүтээгдэхүүнийг борлуулдаг 20 гаруй цэгт хийсэн. Тэгэхэд 20 гаруй төрлийн ургамлын тос импортоор оруулж ирэн НӨАТ-гүй зарж байна. НӨАТ-гүй зарж байна гэдэг нь импортын татвараа төлөөгүй байна гэсэн үг. Таван хувийн татвар дээр татваргүй оруулж ирж байна. Байдал ийм байхад яаж үндэсний үйлдвэрлэгчид импортын ургамлын тостой өрсөлдөх юм бэ, хэрхэн дотоодын зах зээлээ хамгаалах вэ ... Ингээд манай валют гадагшаа урсаж байна. Эцсийн дүндээ ард түмэн, хэрэглэгчид хохирч байна. Мөн гадаад худалдааны төлбөрийн тэнцлийн алдагдлын нэг шалтгаан мөн. Сүүлийн 30 жил гадаад худалдааны төлбөрийн тэнцэл алдаагдалтай явж ирлээ. Иймд  үндэсний үйлдвэрлэлээ дэмжсэн татварын иж бүрэн тогтолцоо бий болгох зорилгоор УИХ, Засгийн газар хамтран ажиллаж байна” гэв.