Грекийн Ерөнхий сайд Британий музейгээс эд өлгийн зүйлээ авахыг хүслээ
Английн Лондон хотын Рассел талбайд дэлхийд алдартай Британийн музей байдаг. Музейн сан хөмрөгт байгаа найман сая гаруй эд зүйлсийн дийлэнх нь бусад орных юм. Олон жилийн турш улс орнууд Их Британиас дээрэмдсэн соёлын дурсгалт зүйлсийг буцаахыг шаардсаар байна. Саяхан Грекийн ерөнхий сайд Кириакос Мицотакис Их Британид албан ёсны айлчлалаа эхлүүлэв. Тэрбээр BBC-д өгсөн ярилцлагадаа, "Грек улс Парфеноны гантиг баримлыг буцааж өгөхийг Британийн музейд хүссэн. Эдгээр соёлын дурсгалын өмчлөлийн талаар ямар ч маргаан байхгүй, манайх. Тэд Грекийнх бөгөөд хулгайлагдсан зүйл юм" гэж онцолжээ.
Одоогоос 200 гаруй жилийн өмнө Британийн дипломатч Томас Брюс Грекийн Парфенон, цаашлаад Афины Акрополисоос олон тооны гантиг баримлыг Их Британи руу зөөж аваачсан юм. Дараа нь Британийн засгийн газар эдгээр чулуун баримлыг Британийн музейн цуглуулгад худалдаж авсан. Грекийн энэхүү үндэсний эрдэнэс Британийн музейн "үнэт эрдэнэ" гэгдэх болжээ. Уран баримлыг буцааж өгөхийг Грек улс Их Британийн музейгээс олон жил шаардаж байгаа ч өнөөг хүртэл хүлээж аваагүй юм.
Иймэрхүү байдал зөвхөн Грект тохиолдоогүй. Их Британи нэгэн цагт хамгийн олон колонитой Европын гүрэн байсан юм. Нигерийн Бениний хүрэлээс эхлээд Египетийн Розетта чулуун хөшөө хүртэл музейн цуглуулгуудын ихэнх нь Британийн хилийн чанадаас авч ирсэн үнэт зүйлс юм.
Мөн БНХАУ ч зүгээр суухгүй бололтой. Энэ музейд Хятадын 23 мянга орчим соёлын дурсгал бий. Шан, Жоу гүрний хүрэл, Тан, Сүн гүрний үеийн шаазан, Мингийн үеийн алт, хаш зэрэг энд цугларсан олон мянган эд өлгийн зүйлс бий. БНХАУ бүр Манж Чин гүрний үеийг Хятадын соёлын дурсгалт зүйлс гэж авах хүсэлтэйгээ илэрхийлжээ. Британийн музейн "Шилдэг арван эрдэнэ" гэгддэг ангилалд Хятадын гурван эрдэнэ буюу шаазан ваар байгаа юм.
Их Британи “соёлын дурсгалт зүйлсийн аюулгүй байдлыг хамгаалах” гэсэн үндэслэлээр буцаан өгөхөөс татгалзсаар ирсэн. Бүр 1963 онд Их Британийн парламент мөн Британийн музейн тухай хуульд нэмэлт өөрчлөлт оруулж, соёлын дурсгалт зүйлсийг хууль тогтоомжийн хэлбэрээр буцааж өгөхийг хоригложээ.
Сэтгэгдэл
Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Clomidi
1 жилийн өмнө
178.159.37.142
can you buy cheap clomid without dr prescription: <a href=" https://clomid.club/# ">can i order cheap clomid without rx</a> buying cheap clomid without insurance
buy generic clomid without prescription https://clomid.club/ can i order generic clomid
Төстэй мэдээ
