“... Би бичиг баримтаа аваад мал эмнэлгийн улсын байцаагчтай уулзахад “...татвар төлсөн бичиг баримтаа өгөөрэй, тонн тутам 1 сая төгрөгийн татвар төлөх ёстой, гарал үүслийн бичиг чинь хаана байна” гэсэн. Бичиг байхгүй, хүн ачаа дайж явуулсан гэдгээ хэлэхэд “бичиг баримт байхгүй бол 150,000 төгрөгөөр торгоно, мөнгөө бэлэн аваад хүрээд ир” гэхээр нь “надад танд өгөх мөнгө байхгүй” гэж хэлээд 1 цаг гаруйн хугацаа өнгөрсөн. Сүүлдээ би аргаа бараад өөрийн 27 мянган  төгрөгийн үлдэгдэлтэй дансны хуулгаа үзүүлэхэд “чи ядаж 50 мянга болго, тэгээд энэ данс руу шилжүүл” гээд цаасны тасархай дээр  дансны дугаар бичиж өгсөн. Би хэлсэн мөнгийг нь босгох гээд хүмүүс рүү залгаад олдохгүй болохоор нь үлдэгдэл 20 мянгаа “une” гээд шилжүүлсэн. Гүйлгээний утгыг мал эмнэлгийн улсын байцаагч өөрөө хэлсэн. “Мөнгө орж ирсэн үү” гээд тухайн дансны хүн рүүгээ утсаар яриад асууж байсан. Тухайн үед машины бичиг баримтыг аваад өгөхгүй болохоор нь мөнгийг өгчхөөд олон нийтэд мэдээлье гэж шийдсэн. Хэрвээ би холбогдох байгууллагад мэдэгдэхгүй бол энэ хүн дахиад л над шиг жолооч нараас энэ мэтчилэн мөнгө авсаар байх болно гэж бодсон. Тэгээд өөрт нь мэдэгдэлгүй зургийг нь авсан. Тэр өдрөө гэртээ ирээд орой нь өөрийн фейсбүүк хаягаас мэдээлэл оруулсан. Удалгүй миний утас руу ээж нь, ажлын газрын дарга нь гээд хүмүүс яриад “мэдээллээ устгачих” гээд байхаар нь устгасан...”