Дундговь аймгийн Дэлгэрцогт суманд төрсөн, өдгөө Баянзүрх дүүргийн З0-р хороо,Цагаан хуараны ...оршин суух, 70 настай Д.С нь хамтран амьдрагч 56-тай Э.Л-ыг бэлгийн харилцаанд орохгүй гэсэнд уурлаж, түүний нүүр, бие хэсэг рүү гараараа цохиж, зодон, гэр бүлийн хүчирхийлэл үйлдэж, эрүүл мэндэд нь хөнгөн хохирол санаатай учруулсан гэмт хэрэгт холбогджээ. Болсон явдлын тухай “... хохирогч нь “... хуурай дүүгийн төрсөн өдөр болж 0.75 литрийн Хараа нэртэй архи нэг шилийг, 0.5 литрийн Соёрхол нэртэй архи нг шилийг хувааж уусан. Тэгээд 23 цагийн үед бид гурав унтах гээд хэвтсэн. Шөнө унтаж байхад намайг хамтран амьдрагч С намайг татаад хоёулаа бэлгийн харилцаанд оръё гэхээр нь би “Чи согтуу байна, үгүй” гэсэн чинь уурлаад миний хоёр гуяны дотор талаас базаад баруун талын гарын булчин хэсэг pүү хэд хэдэн удаа цохихоор нь ухаан алдсан. Тэгээд хэсэг ухаан алдаад үүрээр сэрэхэд миний баруун талын чих сэтэрсэн, уруул бас сэтэрсэн цус гарсан байсан...надад гомдол санал, нэхэмжлэх зүйл байхгүй...” гэжээ. Шүүх өндөр настанг зургаан сар зорчих эрх хазгаарлах ялаар шийтгэжээ.
