Х.Нямбаатар хотын Засаг дарга болоод хотын байгууллагуудын өнгө төрх өөрчлөгдөж ажил хэрэгч тал руугаа орох нь гэтэл үгүй аж. Нийслэл хотын сайтын эхний нүүрэнд 2021 оны гадаад киноны сурталчилгаа тавигдсан хэвээрээ л байна. Хажууд нь англи хэлний сувгийн тухай, бизнесийн топ 10 их сургууль, ой тогтоолт гээд олон “чухал” асуудлыг хөндсөн баннер тавьжээ. Утаа, түгжрэл, хальтиргаа гулгаа, хог хаягдал, төрийн үйлчилгээ зэрэг нь чухал бусад тооцогдоод арагшаа шидэгдсэн байна. Өмнөх удирдлагын үед хот нь дэргэдээ хэлтэсээс газар болтлоо томорсон, саяас тэрбум хүртлээ төсөв авдаг Сургалт судалгаа, олон нийттэй харилцах газартай. Х.Нямбаатар ирсэн ч нэлээд олон ажилтнууд нь хэвээрээ үлдэж үргэлжлүүлэн ажиллаж байна. Гэсэн ч тэдэнд утаа, түгжрэлээс илүүтэй гадаад кино чухал хэвээрээ аж.
