“ ... Би компанид 2021 онд орж, 2022 онд хүсэлтээрээ гарсан. Захирлаас цалингаа авахаар 2-3 удаа хандахад өгөөгүй, уулзахгүй байсан. Багажнуудыг нь барьцаалж байгаад цалингаа авчихъя гэсэн ухаангүй үйлдлээсээ болж анх удаа гэмт хэрэгт холбогдсон ...”

... хашааны хойд хаалгаар орж, байшин руу орох гэтэл хаалга нь түгжээтэй, хүн байхгүй эзгүй байсан. Би Пүрэвцогтод хандаж “цонхыг нь хагалж ороод дотор нь байгаа эд зүйлийг нь аваад гарья” гэж хэлэхэд тэр зөвшөөрсөн. Ертөнцийн зүгээр зүүн тийш харсан, ойролцоогоор 60 см урттай, 30 орчим см өргөнтэй цонхыг нь Пүрэвцогт хагалж ороод дотор байсан 32 инчийн зурагт, 150 ампер цагтай аккумлятор 2 ширхэг, 100 ампер цагтай аккумлятор 1 ширхэг, аккумлятор цэнэглэгч 1 ширхэг, гагнуурын аппарат гар масстай нь хамт 1 ширхэг, импакт дриллний ком 1 ширхэг, дроцовны ком 1 ширхэг, товуудын шфриц зэрэг эд зүйлсийг хагалсан цонхоор гаргаад надад өгөх үед нь би машинд зөөж ачсан. Дараа нь Пүрэвцогт хагалсан цонхоор эргэж гараад, хагарсан цонхыг хааж орхиод, машиндаа сууж миний түр оршин сууж байгаа Сонгинохайрхан дүүрэг, Баганарангийн 44 дүгээр гудамжны  ... тоот хашаанд очоод, авсан эд зүйлсийг манай гэрт оруулсан. Одоо үйлдэлдээ харамсаж, гэмшиж байна...”