Одоогоос 4-5 жилийн өмнө буюу 2019 оны АТГ-аас 12 дугаар сарын 30-нд Зам тээвэр хөгжлийн яамны Авто замын бодлогын хэрэгжилтийг зохицуулах хэлтсийн дарга Х.Оргил-Эрдэнийг ажлын өрөөндөө хээл хахууль авч байх үйлдэл дээр баривчилсан билээ. Х.Оргил-Эрдэнийг өмнө нь буюу 2019 онд БНХАУ-ын хөрөнгө оруулалттай “Хэйлонжиан жиньеи рөүд энд бридж” ХХК-ийн ажилтнаас 20,000 юаны авлига авч байгаад баригдсан үндэслэлээр мөн баривчилсан юм.
Тухайн үед Зам тээвэр хөгжлийн яамны Авто замын бодлогын хэрэгжилтийг зохицуулах хэлтсийн дарга Х.Оргил-Эрдэнийн авлига авсан асуудлаар Зам тээврийн сайд Б.Энх-Амгалангаас тодруулахад "Авлигтай тэмцэх газраас маш сайн тодруулах хэрэгтэй. Надад мэдээлэл өгөөгүй. Өрөөнөөс нь авч явсан сурагтай байсан. Ер нь АТГ-ын дарга энэ талаар тодорхой мэдээллүүд өгөх байх. Манай газрын дарга Х.Оргил-Эрдэнэ яамандаа 15, 16 жил ажиллаж байгаа туршлагатай, мэргэжлийн гэж хамт олон хэлж байсан. Би сайдаар томилогдоод нэг ч хүн халж, солиогүй. Байгаа баг дээр нь ажилласан. Уг нь гайгүй итгэлтэй залуу байсан юу болсныг би мэдэхгүй байна. Нарийн шалгалтыг хууль хяналтын байгууллага хийж дуусаад гаргаж тайлбарлах байх. Төрийн албан хаагч төрд өргөсөн тангаргаасаа няцвал хуулийн хариуцлага хүлээгдэг тогтолцоо Монголд бий. Түүнийгээ л баримтлах хэрэгтэй" гэсэн билээ.
