Тус газрын гурван аврагч дундаа нэг хамгаалалтын тусгай хувцастай гэсэн нь шуугиан тарьлаа. Тэгвэл нэг дарга нь нэлээд хэдэн ромбтой бололтой. ОБЕГ дарга төвтэй байгууллага болсон. Дарга нарых нь хувцаслалтаас харахад л энэ нь шууд мэдрэгддэг. Төсвийн чамгүй хэсэг нь дарга нарт зарцуулагдсаар байна. Зөвхөн он гараад л тус газар Удирдлагын академид сургалтын төлбөр хэмээн найман сая төгрөг шилжүүлжээ. Уг сургалтын төлбөр нь удирдах ажилтнуудад зориулагдаж байгаа аж.  Дарга офицеруудых нь энгэр нь одон тэмэг, ромбоор дүүрэн ярайдаг. Хоёр ромботой нь зөндөө бий. Тэгвэл үүн дээр нь Удирдлагын академийн ромбо нэмэгдэх нь тодорхой болжээ. Харамсалтай нь энэ газрын дарга нарт ромбо тэмдэг илүүдээд хэдэн аврагчдаа бодох сэтгэл дутагдсаар байна.